१८ जेठ, २०७६
तनहुँ- नेपाल बजार बिक्री प्रतिनिधि संघको १९औं स्थनपना दिवसको अवसरमा नेपाल बजार बिक्री प्रतिनिधि संघ (तगोल ) आबुखैरेनी शाखाले तनहुँको आबुखैरेनी स्थित बृद्धआश्रममा रहेका ७० वर्ष उमेर नाघेका ज्येष्ठ नागरिकलाई दैनिक उपभोग्य बस्तु बितरण गरेको छ ।
संघले शुक्रबार बृद्धआश्रममा रहेका जेष्ठ नागरिकलाई दाल, चामल, तरकारी, फलफूल, जुस, बिस्कुट, गर्मीको समय भएको कारण दुई ओटा पङ्खा लयायतका सामाग्री वितरण गरेको हो ।
तगोल आबुखैरेनी शाखाका अध्यक्ष दुर्गा भुजेलको अध्यक्षता, उद्योग बाणिज्य संघ आबुखैरेनीका इकाई अध्यक्ष कृष्ण बहादुर गान्द्राङको प्रमुख आतिथ्यता तथा लाइन्स क्लब अफ आबुखैरेनीका अध्यक्ष काजी थापाको बिशिष्ट आतिथ्यतामा कार्यक्रम सम्पन्न भएको हो ।
कार्यक्रममा बोल्दै काजी थापाले संघ गठन भएको छोटो समयमा नै उल्लेखनीय कार्य गरेको भन्दै अागामी दिनमा यस्ता कार्यमा हरपल साथ रहने बताउनुभयो । उहाँले संस्था स्थापना दिबसको अवसरमा शुभकामना पनि दिनुभयो ।
त्यस्तै उद्योग बाणिज्य संघ आबुखैरेनीका इकाई अध्यक्ष कृष्ण बहादुर गान्द्राङले मानिसलाई गाँस, बाँस, कपास लगायतका वस्तु अत्यावश्यक रहेको भन्दै बृद्धआश्रममा सहयोग गरेर बजार प्रतिनिधि साथिहरुले उदाहरणीय काम गरेकाले यस्ता कार्यमा उद्योग बाणिज्य संघ सधैं हातेमालो गर्न तयार रहेको बताउनुभयो ।
कार्यक्रम समापन गर्दै तगोल आबुखैरेनी शाखाका अध्यक्ष दुर्गा भुजेलले सस्थाको बारेमा जानकारी दिदै आबुखैरेनी शाखाले अगामी दिनमा नमूनाको योग्य काम गर्दै सबै संग सहकार्य गरेर अघि बढ्ने समेत बताउनुभयो ।
कार्यक्रममा स्थानीयबासी र तगोलका पदअधिकारीहरुको सहभागीता रहेको संस्थाका कोषाध्यक्ष सुशील खनालले जानकारी दिनुभयो ।
यो बारेमा तपाईको प्रतिकृया