रामेछाप,८बैशाख । स्थानीय तह सदस्य निर्वाचन –२०७९ नजिकिदै जाँदा निर्वाचन आयोगले बिहिवार रामेछाप जिल्लाका ८ वटै पालिकामा निर्वाचन कार्यालयहरुको स्थापना गरेको छ ।
आयोगको देशभर एकैसाथ आजकै दिन स्थानीय तह सदस्य निर्वाचन –२०७९ का लागि निर्वाचन कार्यालयहरु स्थापना गर्ने कार्यक्रम अनुसार रामेछाप जिल्लाको मन्थली र रामेछाप नगरपालिका,उमाकुण्ड, गोकुलगंगा, लिखु तामाकोसी,खाँडादेवी,दोरम्बा र सुनापति गाँउपालिकामा आज एकै पटक निर्वाचन कार्यालयहरु स्थापना गरिएको हो । जिल्ला मालपोत कार्यालय मन्थलीमा स्थापना गरिएको मुख्य निर्वाचन अधिकृतको कार्यालयले भने मन्थली नगरपालिका समेत हेर्ने छ ।
निर्वाचन आयोगले मन्थली नगरपालिका समेत हेर्ने गरी मुख्य निर्वाचन अधिकृतको जिम्मेवारी राष्ट्रिय न्यायिक परिषद काठमाण्डौका जिल्ला न्यायाधीस डा. दिवाकर भट्टलाई दिएको छ भने रामेछाप नगरपालिकामा जिल्ला प्रशासन कार्यालयकी सहायक प्रमुख जिल्ला अधिकारी गिता गुरुङ,उमाकुण्ड गाउपालिकामा जिल्ला सरकारी वकिल कार्यालय रामेछापका प्रमुख एबं न्यायाधिबक्ता योगेन्द्र प्रसाद ढुंगेल, गोकुलगंगा गाँउ पलिकामा रामेछाप जिल्ला अदालतका श्रेस्तेदार रामप्रसाद पौडेल, खाँडादेवी गाँउपालिकामा महान्यायाधिबक्ताको कार्यालय काठमाण्डौका उप–न्यायाधिबक्ता बासुदेव लम्साललाई निर्वाचन अधिकृतको जिम्मेवारी दिएको छ । त्यसैगरी दोरम्बा गाउपालिकामा सरकारी वकिल कार्यालयका उप–न्यायाधिवक्ता प्रेमराज पौडेल, लिखु तामाकोसी गाँउपालिकामा सर्बोच्च अदालतका इजलाश अधिकृत तारादेवी महर्जन र सुनापति गाँउपालिकामा जिल्ला सरकारी वकिल कार्यालय काठमाण्डौका उप–न्यायाधिबक्ता लक्ष्मण उपाध्याय घिमिले लाई निर्वाचन अधिकृतको जिम्मेवारी दिएको छ ।
उहाहरु सबैजना आ–आफ्नो पालिकामा पुगि निर्वाचनका लागि आबश्यक कार्य प्रारम्भ गर्न थालिसक्नु भएको जिल्ला निर्वाचन कार्यालय रामेछापले जनाएको छ ।
निर्वाचन कार्यक्रम अनुसार–बैशाख ११ र १२ गते उमेद्वारहरुको मनोनयन दर्ता,१२ गते नै मनोनयन पत्रको सूची प्रकाशन,१३ गते उमेद्वारहरुको विरोधमा उजुरी दिने,१४ र १५ गते मनोनयन पत्र जाँच तथा निर्णय गर्ने १५ गते नै उमेद्वारहरुको नामावली प्रकाशन गर्ने,१६ गते नाम फिर्ता लिने र सोहि दिननै उमेद्वारको अन्तिम नामावली प्रकाशन गर्ने १७ गते उमेद्वारहरुलाई निर्बाचन चिन्ह दिने र ३० गते मतदान गर्ने कार्यक्रम रहेको छ ।
यो बारेमा तपाईको प्रतिकृया