५ असार, २०७६
मन्थली– मन्थली नगरपालिकाले नगर भित्र रहेका माझी समुदायमा सचेतना तथा अभिमुखीकरण कार्यक्रमको अभियान सुरु गरेको छ । बुधबार मन्थली–८ जखनीटारबाट सुरु भएको सचेतना तथा अभिमुखीकरणको अभियान नगर क्षेत्र भित्र माझी समुदायको बस्ती रहेका बिभिन्न १० ठाउँमा सञ्चालन गरिने गरी सुरु गरिएको हो ।
दश ठाउँमा सञ्चालन हुने कार्यक्रममा नैतिक शिक्षाको आबश्यकता र महत्व, नागरिकको कर्तब्य र दायित्व, ब्यक्तिगत सरसफाई, बानी ब्यहोरा, खानपान, कुरीति र कु–संकृति, बोलिचाली, शिक्षा, स्वास्थ्य, रोजगारी, सार्बजनिक संम्पत्तिको संरक्षण, योजना छनौट तथा कार्यान्वयन प्रकृया, लैगिक हिंसा र सामाजिक समाबेशीकरण लगाएतका बिषयमा छलफल हुने छ ।
बुधबार वडा नम्बर ८ का वडा अध्यक्ष राजकुमार श्रेष्ठको अध्यक्षता एबं जिल्ला समन्वय समितिका सदस्य गणेश माझीको प्रमुख आतिथ्यतामा जखनीटारमा कार्यक्रम सम्पन्न भएको छ । कार्यक्रममा मन्थली नगर कार्यपालिकाका सदस्य निर्माण माझी, नेपाल पत्रकार महासंघका अध्यक्ष रमेश ढुंगेल लगाएतले माझी समुदायले आफ्नो हक अधिकार खोज्दै परम्परागत बानी ब्यहोरामा सुधार गर्न सके राम्रो हुने बताएका छन् ।
मन्थली नगरपालिकाको आर्थिक सहयोगमा सान नेपाल रामेछापको आयोजनामा भएको कार्यक्रममा मन्थली नगरपालिकाका सामाजिक बिकास अधिकृत गोबिन्द कट्टेल र सान नेपालका अध्यक्ष उमंग मैनालले सहजीकरण गरेको थिए । वडा नम्बर ८ को जखनीटारबाट सुरु भएको कार्यक्रम वडा नं १ को हाटेचउर, वडा नं ६ को कुनाउरी, सेलेघाट र नवुघाट, वडा नं. ७ को भटौली, मुगिटार र ओडारे र वडा नं. ८ को गाइखुरामा गरिने सान नेपालका अध्यक्ष उमंग मैनालीले जानकारी दिनुभयो ।
यो बारेमा तपाईको प्रतिकृया