रामेछाप १९ साउन, । घर भित्रै बसिरहेको बेला चट्याङ् लागेर मृत्यू भएका लिखु तामाकोशी ४ कल्लेरीका ५९ बर्षिय दिल बहादुर गाह मगरको परिवारलाई रामेछापका प्रजिअ दिपक कुमार पहाडीले घरमै पुगेर सरकारी राहत उपलब्ध गराउनु भएको छ ।
गत साउन १ गते बुधबार अबिरल बर्षासंगै परेको चट्याङ् लागेर ज्यान गुमाएका मगरकी ५७ बर्षिय श्रीमति धन मायाँ मगरलाई प्रजिअले विहिबार जिल्ला विपद् ब्यवस्थापन समितिको तर्फबाट राहत बापतको रकम नगद रु २ लाख ५० हजार रुपैयाँ उपलब्ध गराएका हुन् ।
गाउँपालिकाका अध्यक्ष केशब महत र प्रजिअ पहाडीले संयुक्त रुपमा उक्त रकम मृतककी श्रीमतिलाई हस्तान्तरण गर्नु भएको हो । राहत हस्तान्तरण कार्यक्रममा प्रजिअ पहाडीले घटना प्रति दुख ब्यक्त पनि गर्नुभयो । उहाले विपद् जुनसुकै बेला जो सुकैलाई पनि पर्न सक्ने भन्दै विपद्को घडिमा संमयमता अपनाउन र सहयोगी भावका साथ काम गर्न सबैलई आग्रह पनि गर्नु भयो ।
नगद हस्तान्तरण कार्यक्रममा लिखु तामाकोशी गाउँपालिकाका अध्यक्ष केशब महतले मृतकको परिवारलाई जिल्ला विपद् व्यवस्थापन समितिले नगद रकम उपलब्ध गराएकोमा प्रजिअ दीपक पहाडी मार्फत नेपाल सरकारलाई धन्वाद पनि दिनु भयो । आफ्नो पालिका भौगोलिक रुपमा दुर्गम रहेपनि प्रजिअले कष्टकर यात्रा पार गर्दे घर आँगनमानै पुगेर राहत उपलब्ध गराएकोमा धन्वयाद पनि दिनु भयो ।
मृतकको परिवारलाई आफ्नो गाउँकार्य पालिकाको बैठक बसि पालिकाले पनि राहतको ब्यवस्था गर्ने भन्दै शोकमा डुबेको शोक सन्तप्त परिवारलाई धैर्य धारण गर्दै उक्त रकमलाई सहि ढंगले सदुपयोग गर्न पनि आग्रह गर्नुभयो ।
राहत हस्तान्तरण कार्यक्रममा प्रमुख जिल्ला अधिकारी दिपक कुमार पहाडी, लिखु तामाकोशी गाउँपालिका अध्यक्ष केशव महत, जिल्ला प्रहरी प्रमुख (डिएसपी) राजकुमार थिङ, सशस्त्र प्रहरी प्रमुख केशव प्याकुरेल नेपाल पत्रकार महासंघ रामेछापका अध्यक्ष बद्री नयाँघरे लगाएतको टोलि मृतकको घरमानै पुगेको थियो । उनको निधनपछि शोकमा डुबेको गाहा मगरको परिवारले जिल्ला विपद् व्यवस्थापन समिति मार्फत नेपाल सरकारलाई धन्यवाद पनि दिएको छ ।
यो बारेमा तपाईको प्रतिकृया