१५ असार, २०७६
रामेछाप- १६ औं धान दिवासको अवसर पारेर गिरिजा प्रसाद कोइराला फाउण्डेशन रामेछापले जिल्लाका स्थानीय तहमा निर्वाचित जनप्रतिनिधिहरुलाई सम्मान गरेको छ । आइतबार असार १५ अर्थात धान दिवसको अवसर पारेर रामेछापमा स्थानीय तहमा नेपाली काग्रेसबाट निर्वाचित जनप्रतिनिधिहरुलाई सम्मान गरेको हो ।
दुई नगरपालिका र ६ ओटा गाउँपालिका रहेको रामेछापमा नेपाली काग्रेसले एउटा नगरपालिका, एक गाउँपालिकाको उपाध्यक्ष, १३ ओटा वडामा वडाअध्यक्ष र न्युन संख्यामा वडा सदस्यमा जितेको छ । असार १५ पारेर आयोजन गरिएको कार्यक्रममा एक आपसमा शुभकामना आदनप्रदान तथा स्थानीय तहमा रहेर काम गर्दा जनप्रतिनिधिले भोग्दै आएका समस्याहरुको बारेमा छलफल सहित उनीहरुलाई सम्मान गरिएको फाउण्डेशनका अध्यक्ष दिपक खड्काले जानकारी दिए ।
पछिल्लो समयमा स्थानीय तहमा जनप्रतिनिधिहरुले जनताको अपेक्षा अनुसार काम नगरेको भन्ने आरोप लाग्दै आएको छ । फाउण्डेशनले त्यस्ता आरोपलाई स्व. गिरिजा प्रसाद कोइरालाले प्रयोग गर्दै आएका सफताका सुत्रहरु प्रयोग गर्दै काम गर्दा जनता नजिक हुने र आफूलाई पनि सहज हुने भएकाले त्यसको जानकारी गरइएको अध्यक्ष खड्काले बताए ।
कार्यक्रमका प्रमखु अतिथि समेत रहेका नेपाली काग्रेस रामेछापका पूर्व पार्टी सभापति रामचन्द्र खड्काले राजनीतिबाट समाजसेवा गर्ने जोकोहीले पनि स्व. गिरिजा प्रसाद कोइरालाले देखाएको बाटो लिएर अगाडी बढ्न सके मात्रै सफलता हाँसिल गर्न सकिने बताए । तसर्थ अहिलेका स्थानीय जनप्रतिनिधिले पनि कोइरालाले देखाएको बाटोलाई रोज्न सके जनतालाई प्रत्यक्ष फाईदा पुग्नुको साथै आफूलाई सहजता हुने समेत खड्काले बताए ।
कार्यक्रममा नेपाली काग्रेस रामेछापका सचिब लेख बहादुर कार्की, कोषाध्यक्ष कुमार श्रेष्ठ, महाधिबेशन प्रतिनिधिहरु कृष्ण बहादुर महत, भरत चौलागाई, विनिता खड्का, काग्रेस नेता युवाराज भट्टराई लगायतले धान दिवसको शुभकामना दिँदै स्थानीय जनप्रतिनिधिले नागरिकका समस्यालाई ध्यानमा राखेर काम गर्नु पर्नेमा जोड दिएका छन् ।
कार्यक्रम फाउण्डेशनका अध्यक्ष दिपक खड्काको अध्यक्षता, पूर्व पार्टी सभापति रामचन्द्र खड्काको प्रमुख आतिथ्यता, गिरिजा प्रसाद कोइराला फाउण्डेशन ३ नं. प्रदेशकी कोषाध्यक्ष जमुना कार्कीको विशिष्ट आतिथ्यतामा भएको थियो ।
यो बारेमा तपाईको प्रतिकृया