मन्थली,९ फागुन । मन्थलीमा सम्पन्न प्रथम नगर कपको उपाधि मन्थली नगरपालिका वडा नं–१ ले जितेको छ ।
मंगलवार सम्पन्न वडा नं–१ र वडा नं–१४ बिच भएको फाइनल खेलमा मन्थली १ ले १४ लाई २५–२१,२५–२२ र २५–१७ को सोझो सेटले जितेको थियो ।
त्यस अघि मन्थली न.पा. वडा नं–७ भटौली र वडा नं–४ सालु बिच भएको खेलमा भटौलीले सालु लाई पराजय गर्दै तृतिय स्थान हासिल गर्न सफल भएको थियो ।
प्रथम,द्वितिय र तृतिय हुने क्रमश वडा नं १ मन्थली, वडा नं १४ फुलासी र वडा नं ७ भटौली लाई क्रमशः शिल्ड, मेडल र प्रमाणपत्र सहित नगद रु १ लाख, ७५ हजार, ५० हजार प्रदान गरिएको छ भने सान्वना पुरस्कार प्राप्त गर्ने वडा नं ४ सालुलाई नगद रु ३० हजार सहित शिल्ड,मेडल र प्रमाणपत्र वितरण गरिएको छ ।
प्रथम हुने वडा नं १ ले थप रनिङ शिल्ड समेत प्राप्त गरेको छ । लगातार ३ बर्ष सम्म प्रथम हुन सकेमा उक्त शिल्ड पच हुने अन्यथा शिल्ड फिर्ता गर्नुपर्ने आयोजकले जनाएको छ ।
आइतबार देखि सुरु भएको उक्त प्रतियोगितामा नगरपालिकाका १४ वटै वडाका खेलाडीहरु वडा गत रुपमा छुट्टा छुट्टै सहभागि भएका थिए ।
यो बारेमा तपाईको प्रतिकृया