रामेछाप, २ असार । रामेछापको मन्थलीमा सम्पन्न दोस्रो राष्ट्रिय लाउ (डुंगा) दौड प्रतियोगिता को डलव र ंिसंगल तर्फको दुबै उपाधि सुनसरीले जितेको छ ।
सिंगल तर्फको द्वितिय स्थान पनि सुनसरीले हात पारेको छ भने तृतिय स्थान भने रामेछापले हासिल गरेको छ । त्यसैगरी डबल विधा तर्फ द्वितिय रामेछाप भएको थियो भने तृतिय सुनसरी भएको थियो ।
शनिवार सम्पन्न उक्त खेलमा डबल तर्फ ३६ समुह र सिंगल तर्फ ३१ समुह गरी कुल ६७ समहले भाग लिएका थिए । सिंगल तर्फ २ जना सहभागि र डवल तर्फ ४ जना डुंगा दौड प्रतियोगितामा सहभागि गराइएको थियो ।
माझी समुदाय एकजुट भएको खण्डमा उनीहरुको समुदायलाई विकास निर्माणका लागि बजेट दिन सकिने संघिय सांसद पूर्ण बहादुर तामाङले बताउनुभयो ।
आधुनिक खालका डुंगाहरुले परम्परागत डुंगाहरु लोप हुदै जान लागेकोले परम्परागत डुंगा र माझी समुदायको पुख्र्याैली पेशाको संरक्षण गर्न परम्परागत डुंगालाई खेलको रुपमा विकास गर्न लागेको राष्ट्रिय खेलकुद परिषदका सदस्य सचिब टंकलाल घिसिङले बताउनुभयो ।
विजयी प्रतियोगिहरुलाई नगद तथा प्रमाणपत्र सहित पुरस्कार बितरण गरिएको थियो ।
यो बारेमा तपाईको प्रतिकृया