रामेछाप– विजय दशमी तथा शुभदिपावली २०७६ को पावन अवसरमा मन्थलीमा जिल्ला स्तरीय खुला पुरुष भलिबल प्रतियोगिता हुने भएको छ । राइजिङ स्टार युवा क्लब मन्थली–३ ठुली मदौको आयोजना तथा मन्थली नगरपालिका र मन्थली नगरपालिका ३ नम्बर वडा कार्यालयको सह–आयोजनामा खेल हुन लागेको हो ।
क्लबको वार्षिक कार्यक्रम अनुसार जिल्लाको खेलकुद विकासमा थप सहयोग पुग्ने गरी भलिबल खेल प्रतियोगिताको आयोजना गरिएको क्लबका व्यवस्थापक सन्तोष खत्रीले जानकारी दिनुभयो । खुला पुरुष भलिबल प्रतियोगितामा जिल्ला भरीका क्लब तथा समूहहरुले सहभागिता जनाउन सक्ने आयोजकले बताएका छ । प्रतियोगितामा प्रथम, द्वितिय, तृतिय र सान्त्वना हुने टिमलाई क्रमश ः ७० हजार, ४५ हजार २५ हजार र १० हजार नगदको साथमा शिल्ड, मेडल र प्रमाणपत्र पाउने छन् ।
त्यस्तै खेलमा उत्कृष्ट खेलाडीले तीन हाजर, उत्कृष्ट स्पाईकरले दुई हजार, उत्कृष्ट लिफ्टरले दुई हजार, उत्कृष्ट डिफेन्डरले २ हजार पाउने छने भने अनुशासित टिमलाई प्रमाणपत्र प्रदान गरिने छ ।
यो बारेमा तपाईको प्रतिकृया