रामेछाप- जिल्लाकै सर्वाधिक पुरस्कार रासी भएको जिल्ला स्तरीय ‘प्रथम शान्तिदिप कप फुटबल प्रतियोगिता–२०७६’ सुरु भएको छ । शान्तिदिप युवा क्लब मन्थली रामेछापले आयोजना गरेको फुटबल प्रतियोगिता शनिबार देखि मंगलबार सम्म चल्ने आयोजकले बताएको छ । ४ दिन सम्म चल्ने प्रतियोगिता मन्थली माध्यामिक विद्यालयको खेल मैदानमा भइरको छ ।
बडा दशै २०७६ को उपलक्ष्यामा राखिएको प्रतियोगितामा पहिलो हुने टिमले एक लाख पचास हजार, दोस्रो हुने टिमले एक लाख, तेस्रो हुने टिमले पचास हजार र शान्त्वना हुने टिमले पच्चीस हजार रुपैयाँ नगदको साथमा शिल्ड, मेडल र प्रमाणपत्र पाउँने क्लबका सदस्य सुरेश उदाशले बताउनुभयो । उहाँका अनुसार प्रतियोगिताका उदयमान खेलाडीलाई पाँच हजार, उत्कृष्ठ खेलाडीलाई पाँच हजार, उत्कृष्ठ गोल रक्षकलाई पाँच हजार, उत्कृष्ठ डिफेन्डरलाई पाँच हजार र सर्वाधिक गोलकर्तालाई पाँच हजार सहित ट्रफी र प्रमाणपत्र प्रदान गरिने छ । प्रतियोगितामा १६ टिमले सहभागिता जनाएका छन् । उद्घाटन पश्चात विभिन्न टिम बीच प्रतिस्पर्धा समेत भएका छन् ।
शान्तिदिप युवा क्लबका अध्यक्ष विरेन्द्र श्रेष्ठको अध्यक्षता, मन्थली नगरपालिकाका नगर प्रमुख रमेश कुमार बस्नेतको प्रमुख आतिथ्यता तथा मन्थली नगरपालिका वडा नम्बर १ का वडा अध्यक्ष नारायाणदाश श्रेष्ठको आतिथ्यतामा भएको उद्घाटन सत्रमा नगर प्रमुख बस्नेले खेलाडीलाई बल हस्तान्तरण गरेर प्रतियोगितको उद्घाटन गर्नुभएको छ ।
उद्घाटन पश्चात भएका खेलमा मन्थली ब्वाइजले सानीमदौलाई ३–०, उमाकुण्डले न्यूस्टार क्लब कुनौरीलाई ५–४, सास्कृतिक समाजले दिपशिखा युनाईटेड क्लबलाई ५–४ र मन्थली युनाईटेडले भटौलीलाई ४–० गोलान्तरले हराएका छन् ।
यो बारेमा तपाईको प्रतिकृया