मन्थली- २०१९ अक्टोबर १८ र १९ तारिखमा बेलारुसमा हुन लागेको गोमेल युरो ओपन कप २०१९ अघारौं इन्टरनेशनल कराँते कम्पिटिसन गेमको लागि रामेछापबाट छनौट भएका पाँच कराँते खेलाडी र प्रशिक्षक एवं रेफ्रीलाई विदाई गरिएको छ । खेलाडी र प्रशिक्षकलाई सफताको शुभकामना दिँदै मन्थली नगरपालिकाले मंगलबार विदाई गरेको हो । १० जना खेलाडी सहभागी हुने अन्तरराष्ट्रिय प्रतियोगितामा रामेछाप जिल्लाबाट मात्रै पाँच खेलाडी र एक प्रशिक्षक छनौट भएका छन् ।
कम्पिटिसनको लागि मन्थली मावि कक्षा १० मा अध्ययनरत छात्रा सन्जना माझी, कक्षा ९ मा अध्ययनरत छात्र सञ्जिब तामाङ र कक्षा १२ मा अध्ययनरत छात्र विश्वास हायु त्यस्तै तामाकोशी इगंलिस बोर्डिङको कक्षा ८ मा अध्ययनरत छात्र विशाल केसी र लिटिलस्टार बोर्डिङ स्कुलमा कक्षा ७ मा अध्ययनरत रोशन खाती सहितको टोलीलाई मन्थली नगरपालिकाले एक कार्यक्रमको आयोजना गरी विदाई गरेको हे ।
खेलाडीलाई सबैले प्रोत्सहान गर्नु पर्छ : नगर प्रमुख बस्नेत
खेलाडीहरुलाई विदाई गर्दै मन्थली नगरपालिकाका नगर प्रमुख रमेश कुमार बस्नेतले राष्ट्रका लागि खेलिने खेल सबैको भएकाले खेलाडीलाई प्रोत्सहान गर्ने गरी सहयोग गर्नु पर्ने बताउनुभयो । मन्थली नगरपालिकाले नगर भित्र भएका खेलाडीलाई खेल क्षेत्रमा सहयोग पुग्ने गरी काम गरीरहेको बताउनुयो । नगर प्रमुख बस्नेतले खेलकुदको क्षेत्रमा स्थानीय सरकारले भने जति सहयोग गर्न नसके पनि प्रोत्साहन स्वरुप जिल्लाबाट बेलारुसमा जान लागेको खेलाडीलाई तीन लाख सहयोग गरेको बताउनुभयो ।
खेलाडीलाई जर्सी सहयोग
रामेछापबाट प्रतियोगितामा सहभागिता जनाउने पाँच जना खेलाडी र एक जना प्रशिक्षकलाई बोगटी एण्ड ब्रर्दश कन्ट्रक्शन प्रालिले जर्सी सहयोग गरेको छ । प्रालिका संचालक नारायाण बोगटीले विदाई कार्यक्रममा खेलडीहरुलाई जर्सी हस्तान्त्ररण गर्नुभएको हो ।
हामी सबै खेलमा बाजी मार्छौ : प्रशिक्षक माझी
नेपालबाट १० जना खेलाडी सहभागि हुने प्रतियोगितामा सबै खेल जित्ने प्रशिक्षकको दाबी रहेको छ । रामेछापबाट प्रशिक्षक एवं रेफ्रीको भूमिकामा छनौटमा पर्नुभएका शुक्र बहादुर माझीले नेपालबट सहभागि भएका विभिन्न तौल समूहका खेलडीले अन्य देशका खेलाडीलाई पराजित गरेर गोल्ड मेडल आफ्नो देशले हात पार्ने दाबी गर्नुभयो । दश खेलाडी, पाँच रेफ्री र एक जना नेपाल कराते महासंघको प्रतिनिधि सहित १६ जनाको टोली बुधबार बेलारुस प्रस्थान गर्दैछ ।
यो बारेमा तपाईको प्रतिकृया