आबुखैरेनी– आबुखैरेनी बितरक संघ र नेपाल बजार बिक्री प्रतिनिधि संघबीच गोरखकाली रबर उद्योगको खेल मैदानमा भएको मैत्रीपूर्ण फुटबल खेलमा नेपाल बजार बिक्री प्रतिनिधि संघको टिम विजयी भएको छ । संघले बितरक संघको समूहलाई २–० को गोल अन्तरले हराएर विजयी भएको हो । खेलको सुरुवातमा नै कम्पनी प्रतिनिधिका खेलाडी सुमन गुरुङले १ गोल गरेका थिए भने दोस्रो गोल बजार प्रतिनिधि तर्फकै खेलाडि विशाल गुरुङले गरेका थिए ।
आबुखैरेनी बितरक समाज र नेपाल बजार प्रतिनिधि संघ आबुखैरेनीले हरेक वर्ष आबुखैरेनीमा आयोजना गर्ने मैत्रीपूर्ण फुटबल खेल यस अघि आठौ संस्करणको खेल बितरक संघले जितको थियो । खेलमा उत्कृष्ट खेलाडी कम्पनी प्रतिनिधीका विशाल गुरुङ घोषित भएका छन् ।
कार्यक्रममा विजयी टिमलाई कार्यक्रम संयोजक हरिभक्त श्रेष्ठ, नेपाल बजार प्रतिनिधि संघ तगोलका अध्यक्ष दुर्गा भुजेल र उद्योग बाणिज्य संघ आबुखैरेनी इकाईका अध्यक्ष कृष्ण गान्द्राङ लगायतका अतिथिहरुले ट्रफी र मेडल दिएर सम्मान गरेका छन् । कार्यक्रम नेपाल बितरक संघका केन्द्रीय अध्यक्ष शुरेस अधिकारीको प्रमुख आतिथ्यता र वितरक संघका उपाध्यक्ष राजन कट्टेलको सभापतित्वमा सम्पन्न भएको थियो भने कार्यक्रमको सञ्चालन काजी थापाले गर्नुभएको थियो ।
यो बारेमा तपाईको प्रतिकृया