रामेछाप, ११ मंसिर । यहि मंसिर १५गते देखि रामेछापको मन्थली नगरपालिकामा हुने दोस्रो राष्ट्रिय माझी गोल्डकप पुरुष फुटबल प्रतियोगिता–२०७८ को तयारी पुरा भएको छ ।
नेपाल माझी उत्थान संघ रामेछापले शनिवार पत्रकार सम्मेलनको अयोजना गरी मंसिर १५ गते देखि २० गते सम्म सञ्चालन हुने उक्त प्रतियोगिताको तयारी पुरा भएको जानकारी दिएको हो ।
कार्यक्रमका अवसरमा २० जिल्लाका २२ वटा समुहहरु दर्ता भैसकेको र उक्त खेलमा प्रथम, दितिय, तृतिय र सान्त्वना हुनेलाई क्रमशः २ लाख, १ लाख, ५० हजार,२५ हजार र शिल्ड, प्रमाणपत्र र ट्रफि उपलब्ध गराइने जानकारी गराइएको थियो ।
मन्थली नगरपालिकाको वडा नं–६ स्थित कुनाउरीमा हुन लागेको उक्त खेलको उद्घाटन युवा तथा खेलकुद मन्त्री महेश्वर जंङ गहतराजले गर्ने माझी उत्थान संघ रामेछापका अध्यक्ष इन्द्र माझीले कार्यक्रका अवसरमा जानकारी दिनुभयो ।पत्रकार सम्मेलनमा खेल अबधिभर समाचार प्रकाशन र प्रशारण गरेर सहयोग गर्न आयोजकले संञ्चारकर्मीहरुलाई आग्रह गरेको छ ।
संघका अध्यक्ष इन्द्र माझीको अध्यक्षतामा सम्पन्न उक्त कार्यक्रमा खेलको आबश्यक जानकारी हरिमाझीले दिनुभएको थियो भने पत्रकार महासंघ रामेछापका अध्यक्ष बद्री नयाँघरेले राष्ट्रिय फुटवल प्रतियोगिता जस्तो चुनौतिपूर्ण काम गर्ने आँट माझी उत्थान संघले गरेको प्रति खुसी ब्यक्त गदैै खेल अबधिभर जिल्लाले कुनै किसिमको झमेला झेल्नु नपर्ने अपेक्षा गर्नुभयो । उहाँले आफ्ना सञ्चारकर्मी साथीहरुले सकेको सहयोग खेकुदलाई गर्ने प्रतिवद्धता पनि ब्यक्त गर्नुभयो ।
यो बारेमा तपाईको प्रतिकृया