५१ हजारको उपाधी गुम्देलले जित्यो !

२६ जेठ, २०७६

रामेछाप– उमाकुण्ड गाउँपालिका–३ कुबुकास्थलीमा आयोजित भलिभल प्रतियोगिताको उपाधी वडा नम्बर १ गुम्देलले जितेको छ । ‘खेलकुद, साँस्कृतिक तथा पर्यटन प्रवद्र्धन महोत्सव २०७६’ को अवसमा आयोजित शनिबार सम्पन्न प्रतियोगितामा वडा नम्बर २ बाम्तीभण्डारलाई पराजित गर्दै गुम्देल प्रथम भएको हो । त्यसैगरी वडा नम्बर २ बाम्तीभण्डार द्वितिय, वडा नम्बर ३ कुबुकास्थली तृतिय र वडा नम्बर ४ प्रिति सान्त्वना भएका छन् ।

प्रथम, द्वितिय र तृतिय हुने टिमले क्रमशः ५१ हजार १ सय ५१, ३१ हजार १ सय ३१ र २१ हजार १ सय २१ रुपैयाँको साथमा सिल्ड, मेडल र प्रमाणपत्र प्राप्त गरेका छन् भने सान्त्वना हुने टिमले ११ हजार १ सय ११ रुपैयाँको साथमा प्रमाणपत्र प्राप्त गरको छ ।