रामेछाप,३ माघ । नेकपा एमालेको भातृ संस्था नेपाल खेलकुद महासङ्घ वागमती प्रदेश कमिटीले वागमती प्रदेश स्तरीय पुरुष भलिबल प्रतियोगिता आयोजना गरेको छ ।
रामेछापको मन्थलीमा यहि माघ माघ ४ गतेदेखि आयोजना गर्ने महासङ्घले जनाएको छ ।
मंगलवार मन्थलीमा पत्रकार सम्मेलनको आयोजना गरी महासङ्घका बागमती प्रदेशका सह–इन्चार्ज उज्वल सुवेदीले प्रतियोगिता माघ ७ गतेसम्म सञ्चालन हुने जानकारी गराउनुभयोे ।
प्रतियोगितामा वाग्मती प्रदेशका १३ वटै जिल्लाका प्रति जिल्ला १ समुहले भाग लिँदा १३ वटा समुहहका १५६ जना खेलाडिहरुले उक्त खेल खेल्नेछन् ।
प्रतियोगिताको उद्घाटन नेकपा एमालेका सचिव गोकर्ण विष्टले गर्ने सह इन्चार्ज सुवेदीले बताउनुभयो । प्रतियोगिताको विजेता टोली मध्ये प्रथम हुनेले पुरस्कार स्वरुप २ लाख द्वितीय हुनेलाई १ लाख र तृतिय हुनेलाई ५० हजार नगद सहित, शिल्ड, मेडल र प्रमाणपत्र पाउने छन् । त्यसैगरी ३० हजार नगद सहित शिल्ड मेडल र प्रमाणपत्र सहित सान्त्वना पुरस्कार दिइने छ ।
प्रत्येक सहभागि समुहले सहभागि भए बापद प्रति समुह २५ हजार र सेमी फाइनलमा पुगेका समुहहरुलाई थप २५ हजार रुपैया आयोजकले दिने पनि सुवेदीले बताउनुभयो । उहाका अनुसार– कुल ३६ लाख ४१ हजार लागत लाग्ने अनुमान गरिएको उक्त खेल ३० हजार मानिसहरुले अवलोकन गर्ने बिश्वास गरिएको छ ।
यो बारेमा तपाईको प्रतिकृया