रामेछाप २५ पुष, रामेछाप जिल्लाको रामेछाप नगरपालिका वडा नं–८ स्थित विटार पार्कमा नव निर्मित मिनि धरहरा र सेल्फि टावरको शनिवार एक कार्यक्रमका साथ उद्घाटन सहित हस्तान्तरण गरिएको छ ।
नेशनल विडिङ्ग फार्म ले मिनि धरहरा निर्माण गरेको थियो भने सेल्फि टावर नेपाली काग्रेसका नेता भरत प्रसाद चौलागाँइको आर्थिक सहयोगमा निर्माण कार्य सम्पन्न भएको थियो ।
नवनिर्मित मिनि धरहराको उद्घाटन रामेछाप नगरपालिकाका नगर प्रमुख नर वहादुर थापामगरले गर्नु भएको थियो र सेल्फि टावरको उद्घाटन नेपाली काँग्रेस रामेछापका नेता रामचन्द्र खड्का र रामेछाप नगरपालिकाका नगर प्रमुखले संयुक्त रुपमा गर्नु भएको थियो ।
सो फार्मका सञ्चालक रुद्र कुमार श्रेष्ठको अध्यक्षतामा सम्पन्न उक्त कार्यक्रमका प्रमुख अतिथि एबं रामेछाप नगरपालिकाका नगर प्रमुख नर बहादुर थापा मगरले बिटार पार्कमा निर्मित ऐतिहासिक धरहरा र सेल्फि टावरका सहयोगि हातहरूप्रति आभार प्रकट गर्दै उक्त दुई वटा संरचना सँगै सिंगो पार्कको दीगो विकासका लागि रामेछाप नगरपालिकाले आबश्यक सहयोग गर्ने प्रतिवद्धता जनाउनुभयो । उहाले नगरपालिकाले पार्कको मूल ढोका सँगै कम्पाउण्ड घेर्ने काम गरिसकेको र तत्काल पार्कको गुरु योजना निर्माण गर्नका लागि नगर कार्यपालिकाको बैठकबाट निर्णय समेत गरिसकेको बताउनुभयो । उहाले पार्क निर्माणका क्रममा सहयोग गर्ने रामस स्थानीय, बिटार पार्क संरक्षण समिति समेतलाई धन्यवाद ब्यक्त गर्नुभयो ।
कार्यक्रमका अवसरमा बोल्दै सो कार्यक्रमका बिशिष्ट अतिथि एबं मन्थली नगरापलिकाका नगर प्रमुख रमेश कुमार बस्नेतले रामेछापका सहयोगी मनहरू (रासम) द्वारा शुरुवात गरिएको बिटार पार्क निर्माण कार्यमा बिभिन्न संरचनाहरु निर्माण हुने क्रममा मिनि धरहरा र सेल्फि टावरले मन्थली र रामेछाप नगरपालिका मात्र नभएर जिल्लाको पर्यटकीय स्थलको रुपमा पहिचाहन छाड्ने भएकोले यसको दीर्घकालिन बिकासलाई मन्थली नगरपालिकाले पनि सहायोग गर्ने प्रतिवद्धता ब्यक्त गर्नुभयो ।
सो अवसरमा प्रमुख जिल्ला अधिकारी अर्जुन कुमार शर्माले पनि पर्यटकिय क्षेत्रको रुपमा विकास हुँदै गएको बिटार पार्कमा निर्माण भएका संरचनाहरुले पार्कको सौन्दर्यता बृद्धि गरेको भन्दै अझै यसलाई ब्यवस्थित गर्नु पर्ने कुरालाई जोड दिनुभयो ।
कार्यक्रममा ने का रामेछापका पूर्व पार्टि सभापति रामचन्द्र खड्का, समाजसेवी एबं नेपाली काँग्रेसका नेता भरत प्रसाद चौतलागाँई,रामेछाप नगरपालिका वडा नं–८ का वडा अध्यक्ष केदार कार्की, पत्रकार महासंघ बागमति प्रदेशका सदस्य बद्री नयाँघरे लगाएतले विटार पार्क को प्रसंशा गर्दै अरु संरचनाहरु पनि निर्माणहुन जरुरी रहेको बताउनुभयो ।
कार्यक्रमका अवसरमा नव निर्मित संरचना सहित पार्कको साँचो बिटार पार्क ब्यवस्थापन समितिका उपाध्यक्ष हरिश्चन्द्र घिमिरेलाई हस्तान्तरण गरिएको थियो ।
यो बारेमा तपाईको प्रतिकृया