२६ जेठ, २०७६
रामेछाप- उमाकुण्ड–३ कुबुकास्थलीमा आयोजना गरिएको ‘खेलकुद, साँस्कृतिक तथा पर्यटन प्रवद्र्धन
महोत्सव २०७६’ सम्पन्न
भए सँगै महोत्सवले समग्र गाउँपालिकालाई पर्यटन प्रवद्र्धनमा सहयोग पुगेको वडा
अध्यक्ष रमेश कुमार सुनुवारले बताउनु भएको छ । जेठ २२ गते देखि सुरु भई २५ गते
सकिएको महोत्सवले गाउँपालिकालाई खेलकुद, संस्कृति र पर्यटन प्रवद्र्धनमा थप टेवा पुग्नुका
साथै आर्थिक समृद्धीमा समेत सहयोग पुगको वडा अध्यक्ष सुनुवारले बताउनुभयो ।
गाउँपालिकामा आन्तरिक तथा वाह्य पर्यटक भित्र्याउनको लागि प्याराग्लाइडिङको उडान समेत सफल भएकाले ४ दिने महोत्सवले वडा नम्बर ३ तथा समग्र गाउँपालिकालाई ठूलो सफलता मिलेको उहाँले नेपाल अभियानलाई बताउनुभयो । उहाँले भन्नुभयो–‘प्रकृतिसँग रमाउन चहानेहरुका लागि उमाकुण्ड उपयुक्त गाउँपालिका हो, त्यसको लागि हामीले प्याराग्लाइडिङ मार्फत हेर्ने गरी पूर्वधार तयार गरी सक्यौ ।’ प्याराग्लाइडिङ मार्फत उमाकुण्डको सबै वडाहरु र छिमेकी जिल्ला ओखलढुङ्गा र सोलुखुम्बुको समेत मनेरम दृश्य अवलोकन गर्न सकिने भएकाले प्याराग्लाइडिङ उडानलाई चाँडै नै निरन्तर रुपमा चलाउने गरी वडा लाग्ने पनि उहाँले बताउनुभयो ।
गाउँपालिका अध्यक्ष शेरबहादुर सुनुवारले यस अघि कार्यक्रमको उद्घाटनमा प्याराग्लाइडिङ उडानले गाउँपालिकालाई नै आर्थिक समृद्धीमा टेवा पुग्ने भएकाले गाउँपालिकाले आउँदो आर्थिक वर्षमा बजेट नै विनियोजन गर्ने बताउनु भएको थियो ।
महोत्सवमा गाउँपालिका भित्र रहेका विभिन्न जातजातीले मनाउँदै आएका नाचहरु प्रस्तुत गरिएको थियो भने राष्ट्रिय स्तरका कलाकारहरुले आफ्नो प्रस्तुती पनि देखाएका थिए । त्यसैगरी भलिबल प्रतियोगिता पनि गरिएको थियो ।
कार्यक्रम खेलकुद कार्यसमिति उमाकुण्ड–३ को आयोजना, उमाकुण्ड गाउँपालिका वडा नम्बर ३ को प्रायोजन तथा जागृति युवा क्लबको सह–प्रायोजनमा भएको हो ।
यो बारेमा तपाईको प्रतिकृया