मन्थली, २२ जेठ । जिल्ला आपतकालिन कार्य सञ्चालन केन्द्र रामेछापले सोमवार मन्थलीमा ग्यास लिकेज भइ हुने सम्भावित आगलागि नियन्त्रणको नमुना प्रदर्शन गरेको छ ।
जिल्लास्थित नेपाली सेना, शसस्त्र प्रहरी, जनपद प्रहरी, रेडक्रस लगाएतको समन्वयमा उक्त नमुना अभ्यास प्रदर्शनी गरिएको हो ।
प्रदर्शनीमा ग्यास लिकेज भइ आगलागि हुँदा, खानेकुरा वसालेको भाडोमा आकस्मिक रुपमा आगलागि हुँदा र ग्यासको रेगुलेटर वा पाइप बाट लिकेज भए आगलागि भएको अबस्थामा वा लिन्डरनै बल्न लागेको अबस्थामा चिसो वा सुख्खा मण्डीले छोपेर अथवा बाल्टिनले छोपेर अक्सिजन सप्लाई हुन नदिएर आगो निभाउन सकिने सन्देस दिनेगरी नमुना अभ्यास प्रदर्शनी गरिएको थियो ।
यस्ता खालका नमुना अभ्यासहरुले घरमा खाना पकाउने क्रममा हुने संम्भावित दुर्घटनालाई न्युनिकरण गर्न सकिने जिल्ला प्रशासन कार्यालयका सहायक प्रमुख जिल्ला अधिकारी अनोज घिमिरेले बताउनभुयो ।
कार्यक्रममा रामेछाप उद्योग बाणिज्य संघका पदाधिकारीहरु,विभिन्न सामाजिक संस्थाका प्रतिनिधिहरु एवं पत्रकारहरु समेतको सहभागिता रहेको थियो ।
यो बारेमा तपाईको प्रतिकृया