रामेछाप,११ असार । रामेछाप जिल्लाको खाँडादेवी गाउँपालिकाको तेह्रौ गाउँ सभाले आफ्नो नीति तथा कार्यक्रम पारित गर्दे सकिएको छ । पालिकाले शनिबार एक औपचारिक कार्यक्रम मार्फत आर्थिक वर्ष २०८०÷०८१ को नीति तथा कार्यक्रम पारित गरेको हो ।
अधिवेशनको सुरुवातमा गाउँपालिका अध्यक्ष ज्ञानकुमार श्रेष्ठले आर्थिक वर्ष २०८०÷०८१ को नीति तथा कार्यक्रम प्रस्तुत गर्नुभएको थियो । त्यसै गरी उहाँले पालिकाको संमग्र विकासका लागि हाल सम्म पालिकाले खेलेको विकास र कार्यनितिका बारेमा पनि अध्यक्षले जानकारी गराउनु भएको थियो ।
सो अबसरमा गाउँपालिका उपाध्यक्ष रमा घिसिङले गाउँपालिकाको आर्थिक वर्ष २०८०÷०८१ अनुमानित बजेट तथा कार्यक्रम प्रस्तुत गर्नुभएको थियो । नीति तथा कार्यक्रममा स्वास्थ्य तर्फ यस अघि पनि पालिकाले सर्व साधारणका लागि दिंदै आएको निःशुल्क एम्बुलेन्सको व्यवस्थालाई निरन्तरता दिइने कुरा उल्लेख छ ।
त्यसैगरी सरकारले लागु गरेको स्वास्थ्य बिमा कार्यक्रमलाई थप विस्तार गर्दे लगिने तथा अति विपन्न परिवार र असहाय व्यक्तिलाई प्रथम पटकको बिमा शुल्कः बापतको रकम गाउँपालिकाबाट अनुदान स्वरूप प्रदान गरिने नीति पनि लिएको कुरा उल्लेख गरिरिएको छ ।
त्यसैगरी शिक्षा तर्फ कक्षा–५ को स्रोत केन्द्र स्तरीय र कक्षा–८ को पालिका स्तरीय परीक्षा केन्द्र निर्धारण गरी परीक्षा सञ्चालनलाई निरन्तरता दिइने,उत्कृष्ट विद्यालय,विद्यार्थी,शिक्षक, अभिभावक र शिक्षासेवीलाई सम्मान गर्दै जाने पालिकाको परम्परालाई निरन्तरता दिइने । पालिकाले तय गरेको गुणस्तरीय शिक्षा हाम्रो प्रतिविद्धतालाई साकार पार्न कक्षा ६–८ सञ्चालित विद्यालयलाई डे–वोडर्सको वेवस्था गरिने कुरा पनि नीति तथा कार्यक्रममा उल्लेख गरिएको छ ।
कक्षा ९–१२ सञ्चालित विद्यालयका लागि एक आवासीय विद्यालयको पूर्वाधार निर्माण र अति सीमान्तकृत समुदायका विद्यार्थीहरूलाई आवासीय विद्यालय बनाई शैक्षिक गुणस्तर सुधारको सुनिश्चितता गरिने पनि नीति कार्यक्रममा उल्लेख गरिएको छ ।
त्यसैगरी अधिवेसनले आर्थिक ऐन –२०८० पारित गरेको जानकारी पनि गाउँपालिकाले गराएको छ ।
यो बारेमा तपाईको प्रतिकृया