मन्थली,८ कार्तिक । रामेछाप र दोलखाका जोगीहरुको पुर्ख्यौली पेशा संकटमा पर्दै जान लागेको छ ।
रातको १२ बजे पछि देखि घर घरमा गई विभिन्न मत्रोच्चारण गरी बराठको सिङ बजाएर फेरी लगाउने र बिहान भर जय गोराखनाथ भन्दै राति फेरी लगाएको घर घरमा सिदा संकलन गर्ने चलन छ ।
युवा पुस्तामा यो पेशा प्रति आकर्षण नहँुदा पेशा संकटमा पर्ने संम्भावना बढदै गएपछि आफ्नो परम्परागत पेशा जोगाउन आफु फेरी लगाँउदै हिड्ने गरेको दोलखा मेलुङका युवा दिपक जोगी बताउनुहुन्छ । उहाले आफ्नो यो पेशा संरक्षणका लागि राज्यवाट पनि केहि सहयोगको अपेक्षा गर्नुभयो ।
बिशेष गरी कार्तिक र चैत्र महिनामा जोगीहरुले फेरी लगाउदा घरमा लाग्न सक्ने भुत ,प्रेत, पिसात, नलाग्ने र डाइनी वोक्सीले पनि दुःख नदिने पौराणिक मान्याता रहेको छ ।
घर परिक्रमा गरि घरका चार सुरमा मन्त्रोचारणका साथ ४ पटक फेरी लगाउनु पर्ने मान्यता रहेको छ ,उनीहरु कार्तिक, चैत्र महिनामा रातभर फेरी लगाउने गर्दछन्
आफु बुढो हुँदै जानु र युवा पुस्तमा यो पेशा प्रतिको आकर्षण नहुनुले आफ्नो पेशा संकटमा पर्दै गएको दोलखा मेलुङकै अर्का रुद्र ध्वाज जोगी बताउनुहुन्छ ।
स्थानीय सरकारले कला र सस्कृति जोगाउने नाममा विभिन्न जातजातिलाई सिप अनुसारको बाजागाजा,आरन,बाध्यवादन सामाग्री वाडिरहेको सन्दर्भमा उनीहलाई पनि राति घर घर गई फेरी लगाउनका लागि आबश्यक पर्ने टर्च लाइट, लौरो र बजाउने सामाग्री (बराठको सिङ) उपलब्ध गराउन सके आफ्नो समुदाय असाध्यै खुसी हुने जोगीले बताउनुभयो ।
यो बारेमा तपाईको प्रतिकृया