संघर्ष गर्दै सफल युवा ब्यवसायी बने ढकाल

मन्थली ६ पुष । पाँच दाजुभाई मध्ये काइलो सन्तानका रुपमा जन्मिएका साघुटारका होतराज ढकाल संघर्षसिल तथा मेहनती सफल युवा ब्यवसायि हुन् ।

साघुटार जस्तो ठाँउमा बुवाआमाले जसोतसो एस एल सी सम्म पढाएपनि त्यस भन्दा माथिल्लो तहमा पढाउन न त गाँउमा क्याम्पस थियो न त शहर पठाउन पर्याप्त पैसानै । घरको मध्यम वर्गिय आर्थिक अबस्थालाई मध्यनजर गर्दै उनले गाँउमै २०६३ सालदेखि ब्यवसायमा हात हाले त्यस यता उनी निरन्तर सोहि क्षेत्रमा लागिरहे र सफल पनि बने ।
साघुटारमा साधना राइस मिल बाट आफ्नो ब्यवसाय सुरु गरेका ढकालले केहि समय साघुटार बजारमै आलु र अण्डाको पनि ब्यपार गरे । ओखलढुंगा र रामेछापको सिमाना भएर बग्ने लिखु नदि किनारमा रहेको साघुटार वजारमा शनिवार लाग्ने गरेको हाटमा मान्छेको असाध्यै भिडाम्भिड हुन्थ्यो र सामान पनि राम्रै बिक्रि हुन्थ्यो । दुःख गरेर ब्यापार ब्यवसाय गर्दै आफ्नो शैक्षिक योग्यतालाई समेत बढाउदै ढकालले मन्थलीको भैसेश्वर चोक नजिक ८ आना जग्गा किने । गाँउमा भन्दा अलि पारिवारीक सुख र ३ वटी छोरीहरुलाई राम्रो शिक्षा दिक्षा दिने सोचका साथ उनी मन्थली झरे । मन्थलीमा कुखुरा पालन हुँदै दाना र चल्ला सप्लाई गर्ने क्रममा घर निर्माणको काम पनि सुरु गरे ।
घर निर्माणको प्रारम्भिक चरणको काम सक्ने बित्तिकै २०७० सालमा कुटानी पिसानी मिल ल्याएका ढकालले ७ बर्ष मिल चलाए । श्रीमतिलाई मिल चलाउने रोजगारी र आफुलाई दाना बेच्ने काम भएपछि उनीहरु दुबैजाना ब्यस्त भए ।
दाना र चल्लाको ब्यापार मन्थलीमा राम्रो हुँदै गएपछि छुट्टा छुट्टै काम गर्न उनीहरुले भ्याएनन् । उनले ७ वर्ष पछि मिल बेचे र दुबै जना दाना पसलमा ब्यस्त भए । संघिय संरचना लागु भए एता देखि मानिसहको चहलपहल जिल्ला सदरमुकाम र आसपासको क्षेत्रहरुमा चहल पहल हुन छाड्यो र दैनिक रुपमा दाना पसलको ब्यापार घट्ने तथा उधारो माग्नेको संख्या बढने गरेपछि उनले अब पसलबाट खासै उन्नति नहुने देखेर २०÷ २२ बर्ष देखि मरुभुमिमा परिणत भएको सुकाजोर खोलाको किनार मा रहेको ६० रोपनी जग्गा १५ बर्षका लागि भाडामा लिए र आबश्यक संरचनाहरु बनाउन थाले । महालक्ष्मी कृषि तथा पशुपालन फर्म नामक संस्था केहि साथीहरुसँग मिलेर दर्ता गरे । अहिले उनको फर्ममा १३ वटा गाई, ८ वटा बाच्चा बाच्छि. एक हजार पाँच सय बोइलर कुखुरा, केहि संख्यामा लोकल कुखुरा , बाख्रा, हाँस, वंगुर,माछा, तरकारी, फलफुल, ड्राइगन फुड देख्न सकिन्छ । कृषि फर्मका अर्का पार्टनर हिरालाल आचार्यले सोहि ठाँउमा मेवा लगाएर त्यसको आम्दानी लिन थालिसकेका छन् भने कागती र केराले पनि उत्पादन दिने तयारीमा गरिरहेको छ ।

ढकालले आफ्ना तीन छोरीहरु मध्ये एक छोरीलाई विवाह गरी पठाएका र दुई छोरी लाई उच्च शिक्षाका लागि काठमाण्डौ पठाएका छन् भने आफु पनि राजनिति दलमा लागेर पदाधिकारी तहको नेतृत्व लिन सफल भैसकेका छन् ।
उनको फार्ममा ३ जना सहायोगी कर्मचारीहरु छन , उनी आफु र उनकी श्रीमति पनि यस फार्ममा पर्याप्त समय दिन्छन् ।
ढकाल भन्छन – “जागर हुनेले नेपालमै केहि गर्न सक्छन ,जागर नहुने र काम गर्न लाज मान्नेहरु चाहि बिदेश जाने हुन् । त्येसैले बैदेशिक रोजगारीमा जानेहरुलाई स्वदेशमै केहि गरौ भनेर देखाउनका लागि पनि आफुले संघार्ष गरेर यस्तो ब्यवासाय गरेको हुँ ।” उनको फार्ममा रहेका बाख्रा,माछा,तराकारी, फलफुल(ड्राइगन)ले अहिले खासै उत्पादन दिन नथाले पनि दैनिक गाईको दुध भने एक सय १२ लिटर बिक्रि हुने गरेकाे छ । जंगलको छेउमा फार्म भएकोले दुम्सी र मुसाबाट भने फलफुल जोगाउन असाध्यै कठिन भैरहेको पनि उनले बताए । ,