राष्ट्रिय अभिभावक संघमा थापा

मन्थली,२२ माघ । नेपाल राष्ट्रिय अभिभावक संघ गठन प्रयोजनार्थ मन्थलीमा वसेको भेलाले शंकर बहादुर थापाको संयोजकत्वमा ९ सदस्सीय नेपाल राष्ट्रिय अभिभावक संघ रामेछापको जिल्ला तदर्थ समित गठन गरेको छ ।
नव गठित समितिमा रहनेहरुमा सचिबमा पूर्ण बहादुर लामा, सदस्यहरुमा क्रमश मुकुन्द प्रसाद प्रसाई,शेखर मान श्रेष्ठ, याम कुमारी घिमिरे,टंक कुमार श्रेष्ठ,चन्द्र बहादुर मानन्धर, शिवहरी उप्रेती र प्रज्ञान खडका रहनु भएको छ ।
समितिको छ महिना भित्र सबै वर्ग र क्षेत्र लाई लक्षित गरी सदस्यता बिस्तार सम्पन्न गरिसकेपछि अधिवेशन गर्ने योजना रहेको नव निर्वाचित अध्यक्ष थापाले बताउनुभयो । उहाले यस अघि केशर वहादुर थापा (अन्तरे) स्मृति समाज सँगको सहकार्यमा भटौलीमा रहेका नवदुर्गा आवि र दुर्गादेवी आविका ८३ जना बिद्यार्थीहरुलाई विद्यालय पोशाक र स्टेशनरी सामान वितरण गरिएको पनि वताउनुभयो ।