मन्थली,१९ चैत । नेपाल कम्युनिष्ट पार्टिको भातृ संस्था युवा संगठन नेपाल रामेछाप (डि वान)को प्रथम जिल्ला सम्मेलन साेमवार मन्थलीमा सम्पन्न भएको छ ।
युगल सीको अध्यक्षतामा सम्पन्न उक्त कार्यक्रमको उद्घाटन सत्रमा बोल्दै नेपाल कम्युनिष्ट पार्टीका केन्द्रीय सदस्य तथा पूर्वी ताम्सालिङ ब्युरो इन्चार्ज विकल्प सीले समाजवादले मात्र देशको संकट मोचन गर्न सक्ने बताउनुभयो । उहाले अहिले देशमा क्रान्ति र प्रतिक्रान्तिको बिच पुँजिवादी र समाजवादको विच र दलाल वर्ग र श्रमजिबि वर्गको विचमा चर्को संघर्ष चलिहरेको बताउनुभयो ।
उहाले अहिले मुलुकको समस्या समाधान गर्न एकिकृत जनक्रान्तिले मात्र संम्भव हुने भन्दै मुक्ति र जनमुक्तिलाई बिजयमा पुर्याउन यसको आबश्यकता रहेको बताउनुभयो । कार्यक्रमका अवसरमा जिल्ला इन्चार्ज इन्द्र सी, जिल्ला सेक्रेटरी बद्री सी, ब्युरो सदस्य तिर्थ सी, ब्यूरो जातिय मोर्चा सेक्रेटरी विवेक सी,युवा संगठन नेपाल ब्यूरो संयोजक अजय सी लगाएतले सम्बोधन गर्नु भएको थियो ।
कार्यक्रमका अवसरमा पार्टि कार्यालय वाट विभिन्न नारा लगाउदै निस्केको जुलुसले मन्थली वजारका विभिन्न भागहरु परिक्रमा गरी देवकोटा चोकमा पुगेर कोण सभा गरेको थियो । सम्मेलनले नयाँ नेतृत्व समेत चुनेको छ । कार्यक्रमका अवसरमा कलाकारहरुले विभिन्न सास्कृतिक कार्यक्रमहरु प्रदर्शन गरेका थिए ।
यो बारेमा तपाईको प्रतिकृया