मन्थली,६ साउन । ४२ औं वी.पी स्मृति दिवसको अवसर पारेर नेपाली काँग्रेस रामेछापले आइतवार मन्थलीमा बृक्षरोपण कार्यक्रम सम्पन्न गरेको छ ।
नेपाली काँग्रेस रामेछापका उपसभापति लेख बहादुर कार्कीको अध्यक्षता एव्म नेपाली काँग्रेस महासमिति सदस्य ध्रुवहरी ढुंगेलेको प्रमुख आतिथ्यतामा सम्पन्न उक्त कार्यक्रमका अवसरमा वी पी चोक मा रहेको वी.पी.को शालिकमा माल्यार्पण गर्दै उहाँको सम्झनामा मौनधारण समेत गरिएको थियो ।
सो अवसरमा कार्यक्रमका अध्यक्ष कार्की र प्रमुख अतिथि ढुंगेलले नेपाली राजनितिमा वी.पी.ले दिएको योगदानको चर्चा गर्नु भएको थियो ।
सो अवसरमा मन्थली स्थित तामाकोशी सेवा समितिको प्राङ्गडमा मरिङ्गा (सैजन) लगाएतका विभिन्न प्रजातिका १ सय भन्दा बढि विरुवाहरु रोपिएको छ ।
यस अघि वीपीको स्मृति दिवस पूर्व अर्थमन्त्री प्रकाश शरण महतको प्रमुख आतिथ्यतामा लिखु तामाकोशीको धोवि डाँडामा मनाउने कार्यक्रम तय भएपनि आइतवारनै नव नियुक्त प्रधानमन्त्री केपी शर्मा ओलीले विश्वासको मत लिने कार्यक्रम भएकोले उहाँ आउने कार्यक्रम स्थगित भएपछि मन्थलीमै यो कार्यक्रमको आयोजना गरिएको नेपाली काँग्रेस रामेछापका सचिब दिपक खड्काले बताउनुभयो ।
यो बारेमा तपाईको प्रतिकृया