मन्थली,१६ साउन । रामेछाप जिल्लाको मन्थली नगरपालिका स्थित वडा नं १४ मा रहेको बुद्ध वचत तथा ऋण सहकारी संस्थाले आफ्नो २३ औ स्थापना दिवस विबिध कार्यक्रमको आयोजना गरी मनाएको छ ।
सो अवसरमा सस्थाका शेयर सदस्यहरु, प्रहरी, र स्थानीय वजारका ब्यवसयीहरु मिलेर पोखरी वजार र हाट लाग्ने हाटे चउर सरसफाई गरिएको थियो भने बैशाख महिनामा आगलागीमा परी मृत्यू भएकी शेयर सदस्यको विमा वापदको रकम हस्तन्तरण गरिएको थियो ।
संस्थाका अध्यक्ष निमा दोर्जे लामाको अध्यक्षतामा सम्पन्न भएको रकम हस्तान्तरण कार्यक्रममा आफ्नै घरमा आगो निभाउने क्रममा आगलागीमा परी घाइते भएकी साँईली तामाङको काठमाण्डौमा उपचारका क्रममा ९ दिन पछि मृत्यू भएका कारण विमा वापदको १ लाख रकम मृतकका आफन्तलाई उपलब्ध गराइएको थियो ।
बुद्ध बचत तथा ऋण सहकारी संस्थाले आफ्ना १ हजार ८ यस शेयर सदस्यहरु मध्ये ८ सय शेयर सदस्यहरुको विमा गरेको थियो । उक्त विमा गरेकी शेयर सदस्य मध्येकी तामाङ आगलागीमा परी मृत्युभएपछि आइजीआई प्रुडेन्सियल विमा कम्पनी रामेछापका शाखा प्रबन्धक विपिन भट्टराई मार्फत उपलब्ध गराइएकोे विमा वापदको १ लाख वरावरको चेक मन्थली नगरप्रमुख लव श्रेष्ठले बुद्ध बचत तथा ऋण सहकारी संस्थाका अध्यक्ष निमा दोर्जे लामा लाई र लामाले स्व. तामाङका पति सुरज सिंङ तामाङलाई हस्तान्तरण गर्नु भएको थियो ।
कार्यक्रमका अवसरमा बोल्दै नगर प्रमुख एबं कार्यक्रमका प्रमुख अतिथि लव श्रेष्ठले जिवन बिमा मात्र हैन सहरकारीले स्वास्थ्य विमाका लागि पनि आफ्ना शेयर सदस्यहरुलाई आबश्यक सहयोग गर्न अनुरोध गर्नुभयो । उहाले विमा वापदको रकम उपलब्ध गराउने विमा कम्पनीलाई धन्यवाद दिदै विमा गरेका हरुको दुर्घटना बापद आउने रकम छिटो छरितो ढंगवाट परिवारलाई उपलब्ध गराउनु पर्ने कुरालाई जोड दिनुभयो । उहाले पोखरी वजारको ब्यवस्थापनको लागि वडा सँग समन्वय गरेर टोल विकास समिति गठन गर्न र सो का लागि सहकारीले आबश्यक सहयोग गर्न पनि अनुरोध गर्नुभयो ।
सो अबसरमा बोल्दै मन्थली न.पा.वडा नं–१४ का वडा अध्यक्ष मोतिलाल तामाङले विकास निर्माणका काममा र अन्य ब्यवसायीक कृषी उत्पादनमा स्थानीय समुदायको चासोमा कमी भएको प्रति चिन्ता ब्यक्त गर्दै सहकारी मार्फत वडाको विकास निर्माण र अन्य कृयाकलापमा सहयोग गर्न सबैलाई अनुरोध गर्नुभयो ।
कार्यक्रमका अवसरमा बोल्दै नेपाल पत्रकार महासंघ रामेछापका अध्यक्ष बद्रि नयाँघरेले आइजीआई प्रुडेन्सियल विमा कम्पनीले गरेको सकारात्मक कामको मुक्त कण्ठले प्रशंसा गर्नुभयो ।
उहाले सरकारी मार्फत धेरै काम गर्न सकिने भएकाले ग्रमिण भेगमा रहेको यस सहकारी लाई प्रभावकारी ढंगवाट संञ्चालन गरी विभिन्न आय आर्जनका कामहरुका लागि मात्र ऋण प्रवाह गर्न अनुरोध गर्नुभयो । सहकारीले विगत दुई वर्ष देखि वडा नं १४ मा लक्ष्मी सनराईज बैक सँगको समन्वयमा समाजिक सुरक्षा भत्ता समेत उपलब्ध गराँउदै आइरहेको छ ।
यो बारेमा तपाईको प्रतिकृया