मन्थली, ९ भदौ । रामेछापको दोरम्बा शैलुङ्ग गाँउपालिका वडा नं ३ मा गएराति गहेको परिरोमा परी ६ जनाको मृत्यू भएको छ भने १ जना घाइते र ४ जना अझै बेपत्ता रहेका छन ।
जिल्ला प्रहरी कार्यालय रामेछापका अनुसार यसरी मृत्यु हुनेमा सोहि स्थानकी ३० बर्षिय चण्डीका श्रेष्ठ र निजका १८ महिनाका छोरा आयुष श्रेष्ठ, सोहि वडाका क्रमश वर्ष ५७ की उर्मिला पहरी ,वर्ष ३० का सन्दिप पहरी ,वर्ष ११ का सन्तोष पहरी र वर्ष १४ का विज्ञान पहरी रहेका छन् ।
प्रहरी कार्यालय रामेछापले दिएको जानकारी अनुसार घाइते हुनेमा ११ बर्षिय अन्जना श्रेष्ठ रहेकी छिन उनी कम्मर भन्दा मुनिको भाग नचल्ने अबस्थामा छिन ।
सो वडाको लेखर्क मा गएराति परेको अविरल वर्षाका कारण घर माथि बाट खसेको पहिरोले ३ वटा घर वगाएको र एउटा घर पुरेको जिल्ला प्रहरी कार्यालय रामेछापका प्रहरी नायव उपरीक्षक प्रदिप कुमार सिंहले जानकारी दिनुभयो ।
सो गाँउपालिकाकी उपाध्यक्ष खमला थापामगरले दिनुभएको जानकारी अनुसार गए राती करिव ११ः४५ बजेको समयमा खसेको पहिरोले ति घरहरु बगाएको हो । घट्नाको सूचना पाउनासाथ स्थानीय, प्रहरी र सेनाले उद्धार र खोजी कार्यको काम गरीरहेका छन् । सो पहिरोले वडा नं २ र ३ को सिमानामा रहेको अधेरी खोलको पक्की पुल पनि वगाएको छ ।
घट्नाको विस्तृत विवरण भने आउन वाँकी रहेको जिल्ला प्रहरी कार्यालय रामेछापले जनाएको छ ।
यता अबिरल बर्षाकै कारण रामेछाप र दोलखाको सिमानामा पर्ने मिल्ती खोलामा आएको वाढिले मिल्ती वजारका केहि घरहरुमा क्षति पुगेको छ । क्षतिको विवरण एकिन भैसकेको छैन । सो खोलामा आएको बाढिका कारण पुष्पलाल राजमार्ग अन्तर्गत चरिकोट –मन्थली सम्म को सडक आवगमन अबरुद्ध छ ।
यो बारेमा तपाईको प्रतिकृया