मन्थली, १४ असोज । शनिवार देखि अवरुद्ध रहेको रामेछाप जिल्लाको सदरमुकाम मन्थलीको बिद्युत सेवा आज (सोमवार) साझ सुचारु भएको भएको छ ।
शनिवार आएको बाढि पहिरोका कारण ढल्केवर र लामोसाँघु बाट ल्याएको विद्युतको दुवै तिरको पोलहरु ठाँउ ठाँउमा पहिरोले बगाउने तारहरु चुडिने गरेपछि सोही दिन देखि रामेछापको जिल्ला सदरमुकाम मन्थली र मन्थली सव स्टेशन वाट वितरण गरिएको जिल्लाका विभिन्न क्षेत्रहरुको बिद्युत सेवा अरुद्ध भएको थियो ।
न्यू खिम्ती सव स्टेशनबाट मन्थली सव स्टेशन सम्म ३३ के.भी प्रसारण लाइनको विद्युत ल्याउन करिव ५२ घण्टा मर्मत पश्चात मात्र ल्याउन सकिएको नेपाल विद्युत प्राधिकरण मन्थली मन्थली शाखाका प्रमुख दिपेन्द्र बुढाथोकीले बताउनुभयो । उहाका अनुसार बैकल्पिक रुपमा जनकपुर ढल्केवर मन्थली जोडिएको लाइनको पनि मर्मत कार्य जारी रहेको भने मन्थली शव स्टेशन वाट जिल्लाका विभिन्न भागहरुमा वितरण गरिएको ११ के भि वितरण लाइनको पनि सुचारु गर्ने प्रयास भैरहेको छ ।
विद्युत सेवा अवरुद्ध भएपछि जिल्लामा टेलिफोन,इन्टरनेट र खानेपानी सेवा समेत अबरुद्ध भएको थियो ।
विद्युत सेवा सुचारु गर्न नेपाल विद्युत प्राधिकरणका कर्मचारीहरु, नेपाली सेना, प्रहरी, स्थानीय निकाय र रामेछाप सहयोगी मनहरुका सदस्यहरु समेतको उल्लेख्य सहयोग रहेको स्थानीय समाजसेवी विपिन भट्टराइले जानकारी दिनुभयो ।
यो बारेमा तपाईको प्रतिकृया