मन्थली, १ पुष,रामेछापको सदरमुकाम मन्थलीमा सोमवार देखि स्थानीय कृषि उपज बिक्रि केन्द्र खुलेको छ । स्थानीय उत्पादन मात्र विक्रि गर्ने गरी खोलिएको यो विक्रि केन्द्रको मन्थली नगर प्रमुख लव श्रेष्ठले एक कार्यक्रमका विच शुभारम्भ गर्नु भएको हो ।
साना सिसानहरुको उत्पादन लाई खरिद विक्री गरिदिने उद्धेश्यले स्थापना गरिएको यो केन्द्रमा नगदे वाली अन्तर्गतका विभिन्न वस्तुहरु अदुवा, वेसार, लसुन एबं विभिन्न प्रकारका गेडागुडी, मौसम अनुसारका तरकारी तथा स्थानीयस्तरमा उत्पादन भएको जुनार,सुन्तला,कागती केरा लगाएतका सामाग्रीहरु विक्रि गरिने जिल्ला कृषि सहकारी संघका सचिब भानुभक्त श्रेष्ठले बताउनुभयो ।
“किसानको बारी देखि तपाइको थाली सम्म” भन्ने मूल नाराका साथ तामाकोसी एग्रो एकेडेमी एण्ड रिसर्च सेन्टर प्रालिले सञ्चालनमा ल्याएको यो केन्द्र लाई जिल्लामा उत्पादन भएका सबै खाले कृषिउपज र हस्तकलाका सामाग्रीहरु पनि राखेर कोशेली घरको रुपमा विकास गर्नुपर्ने मन्थली नगर प्रमुख लव श्रेष्ठले बताउनुभयो ।
साना किसानहरुले उत्पादन गरको तरकारी तथा गेडागुडी यस अघि डोकोमा वोकेर मन्थली वजारका घर घरमा डुलेर बिक्री गर्ने गरेका थिए । तर यो केन्द्रले त्यस्ता किसानहरुको उत्पादनलाई खरिद गरी विक्रि गरिदिने योजना बनाएको छ ।
यो बारेमा तपाईको प्रतिकृया