मन्थली २२ बैशाख । भर्खरै रामेछापमा प्रमुख जिल्ला अधिकारीको रुपमा आई जिम्मेवारी सम्हाल्नु भएका श्याम कृष्ण थापाले आफु जिल्लामा बसुन्जेल राम्रो काम गरेर देखाउने बताउनुभएको छ ।
सो कुरा उहाले सोमबार मन्थलीमा जिल्ला प्रशासन कार्यालय द्धारा आयोजना गरिएको सञ्चारकर्मीहरु सँगको परिचयात्मक कार्यक्रमका अबसरमा बताउनुभएको हो ।
उहाले अधुरा रहेका विकास निर्माणका कामहरुमा आफ्नो पहल रहने, बजार अनुगमनलाई तिव्रता दिइने, यातायातका साधनहरुलाई ब्यवस्थित ढंगले चलाउन बिषेश पहल गर्ने, इन्धनको अभाव हुन नदिने, बिपद ब्यवस्थापनका लागि योजना बनाएर अघि बढने जस्ता कामहरु गर्ने बताउनुभएको छ ।
त्यसैगरी जिल्लाको सिमाना लिखुखोलामा सञ्चालित आयोजनाहरुका प्रमुख एबं प्रतिनिधिहरुलाई नागरिकहरुको गुनासो नआउने गरी नियमनानुसार काम गर्न निर्देशन दिने पनि बताउनु भएको छ ।
उहाँले सुचना अधिकारीहरुलाई अद्यावधिक गराउने ,सवारी साधनको दुरुपयोग रोक्ने, जथाभावि पास नदिने जस्ता कामहरु आफ्नो कार्यकाल भरी गर्ने बताउनुभएको छ ।
यो बारेमा तपाईको प्रतिकृया