९ मंसिर, २०७५
रामेछाप– रामेछापका उद्य्यामीहरुले आफ्नो उद्योगबाट उत्पादन भएका सबै बस्तु विक्रि नभएको गुनासो गरेका छन् । तेस्रो उद्योग दिवसको अवसरमा घरेलु तथा साना उद्योग विकास समिति रामेछापले आइतबार मन्थलीमा आयोजना गरेको सरोकारवालाहरु बीचको अन्तरक्रियामा आफूहरुले उत्पादन गरेका बस्तुले सहज रुपमा बजार नपाउँदा बस्तु उत्दान गर्ने जोसजागर समेत हराउँदै गएको गुनासो गरेका हुन् ।
अन्तरक्रियामा आफ्नो गुनसो राख्दै जिल्लामा ढाकाका सामाग्री उत्पादन गर्दै आउनुभएका शेर बहादुर थापा मगरले आफ्नो उद्योगबाट उत्पादन हुने बस्तुहरु गुणस्तरीय भए पनि जिल्लाबासीले बाहिरबाट आयतित् हुने बस्तु नै खरिद गर्ने गरेको बताए ।
अर्का धुग्ध उद्य्यामी भानु श्रेष्ठले जिल्लामा उद्योगहरु सञ्चालका प्रयप्ता संभावनाहरु हुँदाहुँदै पनि चेतना कमीका कारण त्यतातिर ध्यान नगएको बताए । उनले हरेक युवाहरुलाई उद्य्यामी बनाउनको सम्बन्धित निकायले तालिम दिनु पर्ने सुझाब दिए ।
त्यस्तै अन्तरक्रियामा सहभागीहरुले उद्योग सञ्चालनको लागि आफूहरुसँग प्रयप्ता पुँजी नभएको, वित्तिय संस्थाहरुले सहयोग नगरेको, सम्बन्धित निकायले उद्योगीको समस्या भन्दा नीति नियमलाई बढी ध्यान दिएको, उद्योग खोल्न सक्ने संभावनाहरुलाई अध्ययन नगरेको लगायत गुनासो राखेका थिए ।
रामेछापका प्रमुख जिल्ला अधिकारी कृष्ण प्रसाद शर्माले जिल्लामा उद्योगीहरुले भोगेका समस्याहरुलाई स्थानीय तहसँग मिलेर समाधान गर्ने बताए । उनले उद्य्यामीले राखेका नीतिगत समस्यामा छलफल गरेर समधान गर्न सकिने पनि बताए ।
घरेलु तथा साना उद्योग विकास समिति रामेछापका बरिष्ठ उद्योग अधिकृत राजेन्द्र कुमार श्रेष्ठले विगतमा नेपालले उत्पादन गरेका बस्तु अर्को देशमा निर्यात हुने गरेको कुरा स्मरण गरउँदै अहिले देश नै अरुको आश्रयमा परेकोले उद्योग स्थापना गरी आत्मा निर्भर बन्नु पर्नेमा जोड दिए । श्रेष्ठले जिल्लाका साना उद्य्यामीलाई कार्यालयले सक्दो सहयोग गर्ने बताए ।
त्यस्तै रामेछाप उद्योग बाणिज्य संघका अध्यक्ष श्याम थापाले उद्योग सञ्चालन लागि बाणिज्य संघले सक्दो सहयोग गर्ने बताए । उनले उद्योग सञ्चालनको लागि सहज तरिकाले पुँजीको व्यवस्था मिलाइदिन बैंक तथा वित्तिय संस्थाहरुलाई आग्रह समेत गरे ।
यो बारेमा तपाईको प्रतिकृया