रामेछाप- राष्ट्रिय जनगणना २०७८ लाई सफल बनाउनको लागि तथ्यांक कार्यालले सुझाव संकलन गर्दै पूर्व तयारी थालेको छ । दश वर्षको अन्तरालमा हुने जनगणना यस अघि २०६८ मा भएको थियो । कार्यालयले मंगलबार जिल्ला प्रशासन कार्यालय रामेछापमा जिल्ल स्तरिय अन्तरक्रिया तथा छलफल कार्यक्रमको आयोजना गरी सरोकारवालासँग सुझाव लिन सुझाव लिएको छ । कार्यक्रममा कार्यालयले राष्ट्रिय जनगणना २०७८ मा जनगणना गर्दा कस्तो विधि अपनाउने भन्ने बारेमा कार्यालयको आगामी योजना समेत प्रस्तु गरेको थियो । छलफलमा सहभागी भएका अधिकासं व्यक्तिहरुले यस अघिका जनगणनामा धेरै त्रृटीहरु भएकाले त्यसलाई सच्याउँदै भविष्यमा ठूलठूला योजना बनाउँदा समेत जनगणनालाई आधार बनाएर गर्न सकिने गरी तथ्यांक लिनु पर्नेमा जोड दिएका छन् ।
आफ्नो सुझाव राख्दै पूर्व सांसद देवशंकर पौडेलले राष्ट्रिय जनगणनाको तथ्यांकमा आम नागरिकका कुराहरु हेर्न सकिने गरी वैज्ञानिक तरिकाले समेट्नु पर्नेमा जोड दिनुभयो । त्यसै गरी बागमती प्रदेशका सांसद शान्ति पौडेलले जनगणना गर्दा एउटै खर्चमा धेरै प्रकारका तथ्यांक लिन सक्ने गरी कार्यालयले काम अगाडि बढाउनु पर्ने बताउनुभयो ।
मन्थली नगरपालिका नगर प्रमुख रमेशकुमार बस्नेतले जिल्लाका धेरै मानिस बाहिरी जिल्लामा गएर बसोबास गर्ने गरेको हुँदा उनिहरुलाई जिल्लामा भइरहने निर्वाचनमा समेत सहभागिता जनाउन मिल्ने गरी जनगणना गरिनु पर्नेमा जोड दिनुभयो । त्यस्तै नेपाली कांग्रेस रामेछापका कोषाध्यक्ष कुमार श्रेष्ठले २०६८ को जानगणना धेरै त्रृटी भएका कारण निर्वाचन क्षेत्र गुमाउनु परेको कुरा राख्दै २०७८ को जनगणनालाई बैज्ञानिक बनाउनु पर्नेमा जोड दिनुभयो ।
प्रमुख जिल्ला अधिकारी लिला कुमारी केसी पाण्डेले छलफलमा आएका सुझावलाई समेत समेटेर तथ्यांक संकलन गर्दा धेरै कुरा समावेस हुने हुँदा कार्यालयले गर्न लागेको जनगणनामा छुटेका कुरा समेट्नु पर्नेमा जोड दिनुभयो । कार्यक्रममा स्थानीय तहका प्रमुख, उपप्रमुख, राजनीतिक दलका नेता, सरकारी कार्यालयका प्रमुख, पत्रकार, स्थानीय लगायतको सहभागिता रहेको थियो ।
यो बारेमा तपाईको प्रतिकृया