रामेछाप- ८४ औ महाशिबरात्रीको अबसर पारेर ब्रम्ह्कुमारी राजयोग सेवा केन्द्र रामेछापको आयोजनामा शनिबार रामेछाप र शुक्रबार मन्थली बजारमा बिबिध कार्यक्रम सम्पन्न भएको छ । महाशिबरात्रीः स्वर्णिम युग उदयको पर्व भन्ने मुल नाराका साथ आयोजित कार्यक्रममा पदयात्रा, प्रबचन तथा बिबिध सास्कृतिक कार्यहरु गरिएको छ ।
महादेब र पार्वतीको झाँकी सहित शनिबार रामेछाप बजार र शुक्रबार मन्थली बजारमा शान्ति पद यात्रा गरिएको थियो । शनिवार रामेछापमा आयोजना गरिएको प्रबचन कार्यक्रममा दिप प्रज्वलन गरिनुका साथै बिबिध सास्कृति कार्यक्रमको समेत प्रदर्शन गरिएको छ । ब्रम्ह्कुमारी सीताको अध्यक्षतामा सम्पन्न कार्यक्रममा ब्रम्हकुमारी बिष्णु, माबि भंगेरी बिद्यालय ब्यवस्थापन समितिका अध्यक्ष गौतम श्रेष्ठ, ब्रह्कुमार भरत कुमार श्रेष्ठ, रामकुमार श्रेष्ठ र हरि खड्का लगाएतले आ–आफनो मन्तब्य राख्दै शिबरात्रीको महिमाको चर्चा गरेका छन् ।
कार्यक्रममा रामेछाप नगरपालिका वडा नं ८ का वडाध्यक्ष केदार कार्कीको प्रमुख आतिथ्यतामा ब्रम्ह्कुमारी राजयोग सेवा केन्द्रमा झण्डोत्तोलन समेत गरिएको थियो । शुक्रबार मन्थलीमा भएको कार्यक्रममा ब्रम्हकुमारी राजयोग सेवा केन्द्रमा जिल्ला समन्वय समितिका प्रमुख प्रेम बहादुर खड्काले झण्डोत्तोलन गर्नु साथै पानसमा दीप प्रज्वलन गरेर प्रबचन कार्याक्रमको उद्घाटन गर्नुभएको थियो ।
ब्रम्हकुमारी राजयोग सेवा केन्द्र रामेछापकी प्रमुख सञ्चालिका ब्रम्ह्कुमारी सीताको अध्यक्षतामा सम्पन्न उक्त कार्यक्रममा जिल्ला समन्वय समितिका प्रमुख प्रेम बहादुर खड्का, नेपाली काग्रेसका लेख बहादुर कार्की, नेपाल पत्रकार महासंघका अध्यक्ष रमेश ढुंगेल, ब्रम्ह्कुमारी बिष्णु, ब्रम्ह्कुमार क्रमश भरत कुमार श्रेष्ठ र रामकुमार श्रेष्ठले शिबारात्रीको महिमाका बारेमा चर्चा गरेका छन् ।
यो बारेमा तपाईको प्रतिकृया