रामेछाप २६ । जिल्लाको सबैभन्दा जोखिमयुक्त पहिरोको रुपमा पहिचान बनाएको घ्याप्चेको पहिरो आसपासका दर्जन बस्तिका पिडितहरुले आफुहरुका लागि सरकारनै नभएको गुनासो गरेका छन् । सोमबार पहिरोको अबस्थाको बारेमा बुझन घ्याप्चेको पहिरोमानै पुगेको जिल्लाको सरोकारवालाहरुको टोली समक्ष उनिहरुले उक्त गुनासो गरेका हुन् ।
पहिरो आसपासका नागरिकहरुका लागि घ्याप्चे अभिसापनै बनेको जानकारी सरकार पक्ष, जन प्रतिनिधि र जिल्लाको सबै सरोकारवालाहरुलाई छ ।तर पनि यसको दिर्घकालीन समाधानका लागि कहिलै पनि पहल भएन स्थानिय उत्तर बहादुर रखाल मगरले गुनासो गरे । पहिरोका कारण अहिले सम्म करिब ६० घर पुर्ण रुपमा विस्थापीत पनि भैसके । थप अरु दर्जन बस्ती पनि पुणर््ा जोखिमको खतरामा छन् । तर आफुहरुको पीडामाथि कतैबाट पनि सुनाईको प्रयास भएन रखाल मगरले भने ।
रातभर, दिनभर गर्जने र ओइरिने पहिरो अनि पहिरो संगै उड्ने धुलो पनि निरन्तरजाने पहिरो गाउँलेहरुका लागि अभिसापनै बनेको छ । पहिरोले पसखोलाघारी,आहाले,सामलीस्थान,पोखरे,अर्चले,खत्रीटोल,तीनचोके टोल,बाहुनटोल सहितको बस्ती जोखिममा रहेको छ ।
बेलुका सुतेको मानिस विहान उठ्छ उठ्दैन कुनै टुंगो छैन । पहिरोका कारण जमिन भासिएर कतिपय बेला बेलुकि लगाएर सुतेको घरको ढोका विहान नखुल्ने गरेका पिडादायी दर्जनौ उदाहरण गाउँलेहरु संगै रहेको स्थानिय शिक्षक भोज बहादुर श्रेष्ठ बताउँछन् । बारै महिना जाने गरेको पहिरोले सयौ रोपनी खेत नष्ट गरि सकेको छ । वेलुकि रोपेर हिडेको खेत विहान उठ्दा चपरिनै नरहने गरि बगाएका पनि थुप्रै उदाहरणहरु रहेका छन् । जुन कुरालाई हाम्रा कुनै पनिं जनप्रतिनिधहरुले सरकार र जन प्रतिनिधहरुले पनि रामे्रा संग बुझेका र देखेका पनि छन् । तर यसको लागि कतैबाट पनि पहल नभएकोले आफुहरुको पहिरोकै नाममा ज्यान जान सक्ने सम्भाबना रहेको पनि शिक्षक श्रेष्ठकोे गुनासो रहेको छ ।
पहिरोका कारण करिब एक किलो मिटर माथि सम्मको भु भाग फुटेको र चिरीएको अबस्थामा छ । ठाउँ ठाउँको जमिन लचकिएको पनि छ । यस्तो खतरापुर्ण अवस्थामा यस क्षेत्रका बासिन्दाहरुले आफनो दैनिकि गुजार्नु भनेको दुर्भाग्यपुर्ण रहेको स्थानिय महेश श्रेष्ठले बताए ।
घ्याप्चे पहिरोको स्थलगत अबस्था बुझन सोमबार पहिरोस्थलमानै पुगेको पुर्व सांसद देबशंकर पौडेलको नेतुत्वमा पुगेको सरोकारवालाहरुको टोलिले पनि पहिरो र आसपासका बस्तीहरुको बारेमा स्थलगत अनुगमन गरेको छ । पहिरोको अनुगमन पछि स्थानिय बासिन्दाहरु संगको भेटमा सांसद पौडेलले पहिरोको नियन्त्रण सम्भब रहेको दावि गरे ।
उनले २०११ सालबाट अनबरत रुपमा गएको पहिरोले आहिले सम्मा आईपुग्दा हजारैं रोपनी खतियोग्य जमिन नष्ट गरेको छ । त्यसैगरि दर्जनौको सं्रख्यामा घर हरु भत्किई सकेका र दर्जनौ घर जोखिममा रहेका छन् । यसलाई संघिय सरकारले चाहेमा रोकथाम गर्न सकिने पनि पौडेलको भनाई छ ।
राजनिति संगै भुगोल विषयको समेत ज्ञाता रहेका पौडेलले संघिय सरकारले आफना विज्ञ प्राविधिकहरुको उपस्थतिमा पहिरो नियन्त्रण र त्यसको दिर्घकालीन उपाएका बारेमा गहिरिने हो भने घ्याप्चेको समस्या समाधान सम्भब छ ।
त्यसका लागि सबैको साझा प्रयत्न आबश्यक रहेको पनि पौडेलले बताए । गत हप्ता अस्वभाविक रुपमा गएको धुले पहिरोका कारण पहिरो आसपास र सदरमुकाम मन्थलिका सर्बसाधारणमा समेत त्रास बढिरहेको बेला पुर्व साँसद देबशंकर पौडेल सहित सरोकारवालाहरुको टोलीले सोमबार उक्त पहिरो र त्यस क्षेत्रको अबस्थाका बारेमा जानकारी लिएको थियो ।
सदरमुकाम मन्थलीलाई समेत जोखिमको सुचिमा राखेको उक्त पहिरोका कारण बर्षाद सुरु भएपछि सदरमुकामबासिहरु समेत रातभर जाग्रम बस्ने गरेका छन् । बर्षाद संगै रनजोर खोलामा आएको बाढीका कारण सदरमुकाम मन्थलीवासीहरुकोे त्रासलाई पनि पहिरो नियन्त्रणले राहत पुग्ने अनुमान गरिएको छ । तर हाललाई भने पहिरोकै कारण मन्थली बजार भने जोखिममा नरहेको पनि टोलिको ठहर छ ।
यो बारेमा तपाईको प्रतिकृया