मन्थली,२० असार । मन्थली नगरापालिकाको आर्थिक सहयोग एबं पञ्चेवाजा संरक्षण समाजको आयोजनामा मन्थलीमा सञ्चालन गरिएको १० दिने दलित महिलाहरुका लागि पञ्चेवाजा वजाउने तालिम विहिवार सम्पन्न भएको छ । तालिममा परियार, मिजार र वि.क समुदायका १० जना महिलाहरु सहभागि रहेका थिए ।
सस्थाका अध्यक्ष गोपाल नेपालीको अध्यक्षता एबं वडा नं–१ का कायवाहक अध्यक्ष चन्द्र वहादुर माझी को प्रमुख आतिथ्यतामा सम्पन्न भएको उक्त कार्यक्रमका आवसरमा प्रशिक्षक हात्तिराम नेपाली दलित पत्रकार संंघका अध्ययक्ष नवराज विक, पञ्चेवाजा संरक्षण समाजका निवर्तमान अध्यक्ष ज्ञान वहादुर सुन्दास,मन्थली नगरपालिकाका कर्मचारीहरु क्रमशः प्रमिला सुवेदी कार्की, मन्जु दंगाल, रामेछाप उद्योग वाणिज्य संघका उपाध्यक्ष आकाश रिजाल, पत्रकार महासंघ वागमती प्रदेशका कोाषाध्यक्ष रमेश ढुंगेल लगाएतले आ आफ्नो मन्तब्य राखेका थिए । कार्यक्रममा वोल्ने अधिकांस बक्ताहरुले तालिममा सिकेको सिपलाई ब्यवहारमा उतार्न आग्रह गरेका छन् ।
सो अवसरमा बोल्दै तालिमकी सहभागि अनिता रम्तेलले सुरुमा छुन पनि डर लागिरहेको वाजा हाल आएर राम्रो सँग वजाउन जानेको र यो तालिम छोटो अवधिको भएकोले अझ लामो तालिम आफुहरुलाई अबश्यक भएको वताउनुभयो । यस अघि घरका पुरुषहरुले मात्र वजाउने गरेको यो वाजा आफुले घर सरसफाई गर्ने क्रममा एता उता सारेको वेला भन्दा वाहेक कहिल्यै नछोएको भएपनि तालिममा सिकेपछि बाजा वजाउने धेरै अनुभव भएको अर्की प्रशिक्षार्थी शान्ता नेपालीले बताउनुभयो ।
सहभागिहरुलाई प्रमाणपत्र वितरण गरिनुका साथै तालिम अबधिभर अनुशासित र लगनसिल भएर प्रशिक्षार्थीको भूमिका निर्वाह गर्ने २ जना प्रशिक्षार्थीहरुलाई पुरस्कार समेत वितरण गरिएको थियो ।
यो बारेमा तपाईको प्रतिकृया