रामेछाप । गुणस्तरिय र संस्कुत शिक्षाको प्रर्वद्धनमा लागेको शारदा संस्कृत मावि बावियाखर्कले दोस्रो बर्षका लागि निशुल्क कर्मकाण्ड विषयको भर्ना आरम्भ गरेको छ । पछिल्लो समयमा संस्कृत शिक्षालाई प्रर्वद्धन गर्दे विद्यार्थिहरुलाई संस्कारी र सुसंस्कृत बनाउँदै कर्मकाण्ड विषय मार्फत रोजगार र स्वरोजगार बन्न सकुन भन्ने उद्देश्यले आरम्भ गरिएको उक्त विषय अध्ययनका लागि पछिल्लो समयमा अविभाबक संगै विद्यार्थिको समेत थप आकषर््ाण बढेको हो ।
गत बर्ष आरम्भ भएकोले कर्मकाण्ड विषय अध्ययनका लागि १० जना विद्यार्थि भर्ना भएका थिए । यस वर्ष नयाँ भर्ना आरम्भ भए संगै हाल सम्म ६ जना भर्ना भैसकेका र थप एक दर्जन विद्यार्थिहरु भर्ना गर्नै तयारी विद्यालयले गरेको छ । उक्त विषयको अध्ययनका लागि विद्यालय ब्यवस्थापन समितिले विद्यार्थि र शिक्षक दुवैका लागि विद्यालयल भित्रै खान पान सहितको आवासिय सेवा उपलब्ध गराएको छ ।
यसको संस्थागत र दिर्घकालीन विकासको रणनिति बनाएको विद्यालयले जिल्लाका सबै गाउँपालीकाहरु संग समेत समन्वय गरि त्यहाँका विद्यार्थि हरुलाई कर्मकाण्ड शिक्षा संग जोड्न लागेको छ । यसरी अध्ययन गर्न आउनेहरुमा बाहिरी जिल्ला र पालिकाहरुकानै बढि रहेका छन् ।
कर्मकाण्ड बाहेक संस्कृत साहित्य र संस्कृत ब्याकरणको समेत पढाई हुने उक्त विद्यालयमा कर्मकाण्ड विषय अध्ययन गर्दा समाजमा आई पर्नै देव कार्य तथा पितृ कार्य गराउन जानीने र त्यसका लागि उत्पादन हुने पुरोहितले स्वरोजगार हुने र त्यसबाटै पंण्डीत जस्तो सम्मानित पेशा प्राप्त हुने अबसर भएकोले पनि विद्यालयले उक्त विषयको पठन पाठनलाई प्रथमिकतामा राखेको विद्यालयका प्रअ नारायण प्रसाद घिमिरेले जानकारी दिए ।
सुन्दर भवन ,भवन बाहिरको र भित्रको मनमोहक वाताबरण तथा भित्रको आन्तरिक ब्यवस्थापनले उक्त विद्यालयमा पुग्ने जो कोहिलाई पनि लोभ्याउने गरको छ । हाल सम्म रामेछाप नगरपालीकाबाट प्राप्त केहि थान वेड बाहेका सरकारी क्षेत्रबाट कुनै सहयोग नलिएको विद्यालयले स्थानिय अविभाबक शम्भु घिमिरेको सहयोगमा आबासिय कक्षा आरम्भ गरेको र थप सहयोगका लागि पनि प्रअ नारायण प्रसाद घिमिरेले आग्रह गरेका छन् । यस बर्ष पनि भर्नाको कामले निरन्तरता पाई रहेकोले ईच्छुक विद्यार्थिहरुलाई तत्काल विद्यालयमा सम्पर्क गर्न पनि विद्यालय ब्यवस्थापन समितिले आब्हान गरेको छ । हाल उक्त विद्यालयमा करिब ३ सय विद्यार्थि अध्ययनरत रहेका छन् ।
यो बारेमा तपाईको प्रतिकृया