रामेछाप । सदरमुकाम मन्थली संगै सिमाना जोडिएको रामेछाप नगरपालिका ८ विटारमा रहेको बिटार पार्कमा नयाँ संरचना थपिएका छन । बागमति प्रदेश सरकारले डिभिजन बन कार्यालय रामेछाप चालु आबका लागि १९ लाख बजेट बिनियोजन गरेको र उक्त बजेटको काम सकिएको जानकारी पार्क समितिले जनाएकोमा सरोकारवालाहरु संतुष्टि ब्यक्त गरेका छन् । उक्त संरचना निर्माणका लागि १९ लाख बजेट बिनियोजन गरिएको भएता पनि जनश्रमदान सहित करिब २२ लाखको काम भएको संरक्षण समितिका अध्यक्ष सुनिल रायले जानकारी दिए ।
रामेछाप नगरपालीकाका प्रमुख लबश्री न्यौपानेको प्रमुख आतिथ्यतामा भएको कार्यक्रमका बारेमा सबैखाले सरोकारवालाहरुलाई जानकारी गराउने उदेश्यले समितिले सार्वजनिक सुनुवाई कार्यक्रम राखेको जानकारी पनि सो अबसरमा गरार्ईएको थियो । पार्कमा थपिएका नयाँ संरचनाले त्यहाँको सुन्दरता लाई थपेको छ । पार्कमा नयाँ संरचना निर्माणका लागि डिभिजन बन कार्यालय मार्फत गरिएको ईष्टमेट भन्दा थप काम निकै भएको जानकारी सार्वजनिक सुनुवाई कार्यक्रमका सहभागि वडा अध्यक्ष सन्तोष तामाङ्गले बताए । उनले आफनो वडामा निर्माणाधिन पार्कको सुन्दरताले आफनो वडाको मात्र नभएर सिङ्गो नगरकै सोभा बढाउने कुरामा साथ दिने पनि वडा अध्यक्ष तामाङ्गले जानकारी दिए ।
समितले प्राप्त बजेटको दायरालाई आधार बनाएर काम गरेको भएपनि प्राविधिक स्टमेट भन्दा करीब ३ लाख रुपैया भन्दा बढिको काम गरेको छ । जुन कुरालाई सार्वजनिक सुनुवाई कार्यक्रममा सहभागि भएका डिभिजन बन अधिकृत रामकृष्ण केसीले पनि स्वीकर गरे । उनले समितिले १९ लाखलाई आधार बनाएर गरेको काम प्रशंसनिय रहेको पनि बताए ।
संरचना निर्माणको कार्य प्रगति र प्राप्त बजेट तथा समितिको भावि योजनाका बारेमा समितिका सचिब कुमार श्रेष्ठले जानकारी गराएका थिए । जस अनुसार समितिले पार्कमा २ कोठे पक्की भबन, डेढ मिटर चौडाइवाला ३ सय मिटर, २ मिटर चौडाइवाला ५१ मिटर फुटपाथ, कम्पाउड घेराबार १५ मिटर, केटाकेटिको खेलौना राख्नका लागि एउटा ट्रष्टको भुइमा ब्लक लगाउने र इटाको पर्खाल निर्माण, २ वटा ट्रष्टमा ब्लक बिछ्याउने कार्य सम्पन्न भएको पार्क संरक्षण समितिका अध्यक्ष सुनिल कुमार रायले सार्वजनिक सुनुवाइमा जानकारी गराएका थिए ।
त्यस बाहेक समितिले रामेछापका सहयोगी मनद्वारा निर्माण गरिएका कलात्मक संरचना संरक्षणका लागि ५ वटा स्टील रेलिङ निर्माण, पार्कको बिचमा रहेको पोखरी ब्यब्स्थापन र फोहोरा निर्माण , १५ मिटर मेसेनरी पर्खाल, साना ठुला गरि ११ वटा चौतारा लगायतको निर्माण कार्य सम्पन्न गरेको छ । त्यसैगरी उक्त बजेटबाट नै १ सय गमलाको भाडा खरिद र पार्कमा रहेका प्रत्येक संरचनामा रङ्गरोगन लगायतको काम गरिएको जानकारी पनि सो अबसरमा गराईएको थियो ।
यो बारेमा तपाईको प्रतिकृया