राष्ट्रिय परिचय पत्रको नामावली संकलन अव वडा वडा बाट हुने

रामेछाप,१८ कार्तिक । राष्ट्रिय परिचय पत्र तथा पञ्जीकरण विभागले रामेछापका वडा वडा मा नामावली संकलन टोली पठाउने भएको छ ।
शुक्रवार आयोजना गरिएको राष्ट्रिय परिचयपत्र सम्बन्धी अभिुखीकरण कार्यक्रमका अबसरमा विभागका महानिर्देशक तिर्थराज भट्टराईले दुई चरण गरी रामेछापका सवै वडामा राष्ट्रिय परिचय पत्रका लागि नामावली संकलन टोली खटाइने बताउनुभयो ।
उहाले टोलीलाई अबश्यक सहयोग गर्न गाँउपालिकाका प्रमुख उप–प्रमुख एबं प्रशासकिय अधिकृतहरुलाई अनुरोध गर्नुभयो । उहाका अनुसार– प्रत्येक वडा कार्यालय मार्फत नामावली संकलन हुने र अहिले संकलन गरेको नामावलीको परिचयपत्र १ बर्ष पछाडि मात्र आउने छ । एउटै वडामा २ वटा स्टेशन राखि यो अभियान ३ महिनामा सक्ने योजना विभागको रहेको छ ।

रामेछाप जिल्लामा २ नगरपालिका र ६ वटा गाउपालिका सहित ८ वटा पालिकामा ६४ वटा वडाहरु रहेका छन् ।
सो अबसरमा बोल्दै कार्यक्रमकी प्रमुख अतिथि एवं जिल्ला समन्वय प्रमुख चिना खड्का कार्कीले यस अभियानले जिल्ला प्रशासन कार्यालयमार्फत यस अघि हुैदै आएको राष्ट्रिय परिचय पत्रको नामावली संकलनमा हुने भिडभाड कम हुने र नागरिकहरुको घरदैलोमै सेवा पुग्नेमा खुसी ब्यक्त गर्नुभयो ।
सो अबसरमा वोल्दै प्रमुख जिल्ला अधिकारी शोभाखर रेग्मीले यस अभियानले नागरिकहरुलाई राष्ट्रिय परिचय पत्रका लागि नामावली संकलन का लागि छिटो छरितो सेवा दिनका लागि सहयोग पुग्ने बताउनुभयो ।
कार्यक्रमका अबसरमा जिल्लाका ८ वटै पालिकाका प्रमुख उपप्रमुख, प्रमुख प्रशासकिय अधिकृत र सञ्चारकर्मीहरु समेतको उपस्थिति रहेको थियो ।