रामेछाप ७ जेठ । रामेछाप नगरपालिका वडा नं ८ को कात्तिके सामुदायिक वनमा आगो लगाउँदै गरेको अवस्थामा एक जना वृद्ध पक्राउ परेका छन् । गत शुक्रवार बेलुकी घरबाट नजिकै रहेको उक्त जङ्गलमा आगोलगाउदै गरेको अवस्थामा स्थानीयहरूले वृद्ध मगरलाई भेटेपछि पक्राउ गरी रामेछाप प्रहरीलाई बुझाएका थिए ।
पक्राउ पर्नेमा रामेछाप नगरपालिका वडा नं ८ कात्तिके टोल बस्ने ७० वर्षीय अमरबहादुर मगर रहेका छन् । गत शुक्रवार बेलुकी ४ बजेतिर सोही ठाउँको वनका उपभोक्ता समितिका व्यक्तिले देखेपछि प्रहरीलाई खबर गरेका थिए । जानकारी पाए लगत्तै खटिएको प्रहरी टोलीले अमरबहादुरलाई नियन्त्रणमा लिएको जिप्रका रामेछापले प्रहरीका अनुसार पक्राउ परेका वृद्धा मगरलाई डिभिजन वन कार्यालय रामेछापबाट ५ दिनको अनुमति लिएर अनुसन्धान भइरहेको जनाएको छ ।
यस वर्ष मात्र रामेछापका सय भन्दा बढी जङ्गलमा आगो लागेर ठुलो सङ्ख्यामा जङ्गल सँगै जन र धनको समेत क्षति भएको थियो । सो क्रममा कुल ४ हजार ५ सय हेक्टर वन जलेको तथ्याङ्क बन कार्यालय रामेछापले उपलब्ध गराएको छ । गत वैशाख महिनामा जङ्गलमा आगो लगाएको आरोपमा दुई जना लाई प्रहरीले पक्राउ गरेको थियो । पक्राउ पर्ने रामेछाप नगरपालिका वडा नं ३ साँघु टारका किशोर सुवास महत, लिखु तामाकोसी गाउँपालिका वडा नं ३ का अशोक महत माथि पनि अनुसन्धान भई रहेको पनि प्रहरीले जानकारी दिएको छ ।
यो बारेमा तपाईको प्रतिकृया