केब्सले भव्य रूपमा मनायो आफ्नो २० औ वार्षिक उत्सव

 
रामेछाप १३ कार्तिक । सदरमुकाम मन्थलीमा रहेको कर्कलादेवी ईङ्गलीस वोडिङ स्कुलले आफ्नो वार्षिक उत्सव भव्य समारोहका बिच समापन गरेको छ । मङ्गलवार उसले बागमती प्रदेशका सदस्य आनन्द कुमार श्रेष्ठलाई प्रमुख अतिथि बनाएर आफ्नो वार्षिक उत्सव मनाएको हो । 
                  विद्यालय हाता भित्र भएको उक्त कार्यक्रमको उद्घाटन प्रदेश सांसद आनन्द श्रेष्ठले पानसमा बत्ती बालेर गर्नु भएको थियो । सो अवसरमा उहाँले केब्सले जिल्लाको शैक्षिक उन्नयनमा पुर्‍याएको योगदानको चर्चा गर्दे वार्षिक उत्सवले केब्सलाई जिल्लाको शैक्षिक विकासमा थप योगदान गर्नका लागी उँचो विश्वासका साथ काम गर्न पनि आग्रह गर्नु भयो । सो अवसरमा उहाँले केब्सले विपन्न र असहाय परिवारकाका बाल बालिकाहरूलाई  शैक्षिक विकासमा पनि ध्यान दिएर अघि बढ्न पनि आग्रह गर्नु भयो । 
विद्यालय व्यवस्थापन समितिका अध्यक्ष जगन्नाथ दाहालको अध्यक्षतामा भएको उक्त कार्यक्रमका अवसरमा केब्सका विद्यार्थिहको  विविध प्रकारका सांस्कृतिक कार्यक्रम सँगै नृत्यको साथमा  विभिन्न कला र गलाको  प्रस्तुतिले कार्यक्रमलाई थप मनमोहक र रमणीय  बनाएको थियो । कार्यक्रममा एसएलसी पहिलो ब्याज देखि गत वर्ष  सम्मको एसइई परीक्षामा  उत्कृष्ट अङ्क ल्याएर उच्च शिक्षाको लागि जिल्ला बाहिर गएर पनि उच्च शिक्षा हासिल गर्दे आएका उत्कृष्ट विद्यार्थी ,विद्यालयको शैक्षिक  गुणस्तर र मर्यादामा रहेर अध्ययन गराउने शिक्षकहरूलाई  अभिभावक हरू समेतलाई रोहबरमा राखेर विद्यालयले खादा र सम्मान पत्रका साथमा सम्मान गरेको थियो । 
सहभागी प्रमुख अतिथि  र अतिथि लगायतका सहभागी हरूलाई उक्त विद्यालयका प्रिन्सिपल केशव तिम्सिनाले स्वागत गर्नु हुँदै विद्यालयलाई यो ठाउँ सम्म ल्याउन सहयोग गर्नु हुने आम अभिभावक र सबै सरोकारवाला पक्षलाई हार्दिक धन्यवाद पनि दिनु भयो । सो अवसरमा विद्यालयका छात्र छात्राहरूद्धार निर्माण  गरिएको  विज्ञानका सामाग्रीहरू पनि प्रदर्शन गरेका थिए ।  
केव्स स्कुल गत वर्ष अन्तर्राष्ट्रिय अवार्डबाट सम्मानित र पुरस्कृत भएको जानकारी पनि सो अवसरमा गराइएको थियो । त्यसैगरि केब्सले पछिल्लो समयमा जिल्लाको शैक्षिक क्षेत्रको विकास सँगै विभिन्न  विधा र अतिरिक्त क्रियाकलापहरूमा आफूलाई अब्बल रूपमा उभ्याउँदै आएको छ ।