मन्थली, २७ बैशाख । रामेछापको लिखु तामाकोशी गाउँपालिका वडा नं २ सैपु तिलौरीमा विद्युत सर्ट भएर आगालागी हुँदा एक घरपूर्ण रूपमा जलेको छ । साथै आगलागीमा मौरी बिच्किएर चिल्दा घरधनी गम्भीर घाइते भएका छन् ।
इलाका प्रहरी कार्यालय धोवीका अनुसार लिखु तामाकोशी गाँउपालिका वडा नं–२ सैपुका चन्द्रबहादुर पौडेलको घरमा आगलागी भएको हो ।
शनिवार करिब साँझ ७ बजेको समयमा भएको आगलागीबाट पौडेलको घर पूर्ण रूपमा जलेको छ । ढुङ्गा माटोले बनेकोउक्त घरमा ५ जनाको परिवार बस्दै आएका थिए ।
आगालागी भएको केही वेरमानै आगो नियन्त्रणमा आएको भएपनि माहुरीले चिलेर गम्भिर घाइते भएका पौडेलको साँझ अबेर सम्म पनि होस आएको छैन । पौडेललाई स्थानीय र प्रहरीको सहायतामा गाँउमै प्राथमिक उपचारपछि मन्थली अस्पतालमा थप उपचारका लागि ल्याइएको सो वडाका वडा अध्यक्ष सन्तोष पौडेलले जनाकारी दिनुभयो ।
प्रारम्भिक अनुसन्धान अनुसार विद्युत सर्ट भएर घरमा आगलागी भएको र घरमा पालेको १ दर्जन भन्दा बढि माहुरीले चिल्दा पौेडेल घाइते भएका थिए । घर जलेर नष्ट हुँदा कति क्षति भयो भन्ने बारेमा थप अनुसन्धान भैरहेको जिल्ला प्रहरी कार्यालय रामेछापले जनाएको छ ।
यो बारेमा तपाईको प्रतिकृया