मन्थली, १५ भदौ । रामेछापको रामेछाप नगरपालिका वडा नं –८ वावियाखर्क मा रहेको शहरी स्वास्थ्य केन्द्र का लागि घिमिरे दाजुभाईले निःशुल्क जग्गा दान दिनु भएको छ ।
सोही वडा निवासी काशिनाथका नातिहरु क्रमशः लिलानाथ घिमिरे र उद्धव प्रासाद घिमिरेले क्रमशः ०–८–०–० र ०–१४–०–० गरी कुल १–४–०–० (एक रोपनी चार आना ) जग्गा निःशुल्क दान दिनुभएको हो ।
उहाहरुले आइतवार मालपोत कार्यालय रामेछापमा गई उक्त जग्गा शहरी स्वास्थ्य केन्द्र वावियाखर्कको नाममा रजिस्टेसन पास गरी दिनुभएको हो ।
गाँउमै सुबिधा सम्पन्न शहरी स्वास्थ्य केन्द्रको भवन निर्माण गरी गुणस्तरीय सेवा प्रवाह गराउने उद्धेश्यले आफुहरुले जग्गा दान दिएको जग्गा दाता उद्धव प्रसाद घिमिरेले बताउनुभयो ।
यो बारेमा तपाईको प्रतिकृया