रामेछाप- रामेछाप नगरपालिकाले महिलाहरुलाई प्रत्यक्ष फाइदा पुग्नेगरी नौ वटै वडाका विभिन्न स्थानहरुमा राख्न लागेको दोस्रो चरणको निःशुल्क स्वास्थ्य सिविर फागुन ७ गते देखि पुनः सुरु हुने भएको छ ।
नगर भित्रका महिलाहरुलाई लक्षित गरी ल्याइएको सिविरमा पाठेघरको मुखको क्यान्सर जाँच, पाठेघर झरेका महिलाहरुको स्क्रिनिङ तथा उपचार, तल्लो पेट दुख्ने तथा सेतो पानी बग्ने, पिसाव पोल्ते तथा महिनावारी गडबडी हुने, स्तनमा गाँठागुठी देखिने, गर्भवती महिलाहरुको भिडियो एक्सरे लगायतका सेवा उपलब्ध हुने नगरपालिकाले बताएको छ ।
अझै पनि महिलाहरुले स्त्री रोग सम्बन्धी समस्याहरु लुकाएर राख्द भविष्यमा धेरै पीडा भोग्नु पर्ने भएकाले त्यस्तो पीडाबाट मुक्त बनाउनको लागि बाँकी रहेका चार वटा वडमा सिविरको आयोजना गर्न लागिएको रामेछाप नगरपालिकाकी उपप्रमुख सृजना खड्काले बताउनुभयो । सिविरमा पाठेघर झरेका महिलाहरु भेटिएमा नगरपालिकाले निःशुल्क सल्यक्रिया गरी उपचार गरिदिने पनि उपप्रमुख खड्काले बताउनुभयो ।
पहिलो चरणमा माघ १५ गते देखि १८ गते सम्म वडा नम्बर ४, ५, ६, ७, ८ र ९ का महिलाहरुले लाभ लिईसकेका छन् । फागुन ७ गते देखि वडा नम्बर १, २, ३ र ४ का स्वास्थ्य चौकीहरुमा सिविर संचालन गर्ने कार्यतालिका रहेको रहेको छ ।
फागुन ७ गते पहिलो दिन रामेछाप–१ गोठगाउँका महिलालाई लक्षित गरी गोठगाउँ स्वास्थ्य चौकीमा सिविर राखिएको छ भने ८ गते वडा नम्बर ३ साँघुटारका महिलालाई लक्षित गरी साँघुटार स्वास्थ्य चौकीमा राखिएको छ । त्यसैगरी ९ गते वडा नम्बर ४ का महिलालाई लक्षित गरी धारापानी स्वास्थ्य क्लिनिकमा राखिएको छ । १० गते वडा नं २ देउरालीका महिलाहरुका लागि देउराली स्वास्थ्य चौकीमा राखिएको छ ।
रामेछाप नगरपालिका र बज्र समाज नेपालको आयोजनामा हुने स्वास्थ्य सिविरमा रामेछाप अस्पताल, तामाकोशी सहकारी अस्पताल र वडाका स्वास्थ्य चौकीहरुको समेत सहयोग रहने ।
यो बारेमा तपाईको प्रतिकृया