रामेछाप- कोरोना भाइरासको अति उच्च जोखिममा रहेको नेपालमा सरकारले सोमबार देखि एक साताको लागि देशैभरी लागु हुने गरी ‘लकडाउन’ गर्यो । तर नेपाल उच्च जोखिममा छ भन्ने कुराको जानकारी हुँदा हुँदै पनि सरकारले अपनाएको सावधानीलाई चुनौती दिँदै रामेछापको सदरमुकाम मन्थलीमा मानिसहरु लकडाउको अवज्ञा गर्दै सडकमा खुलेआम हिडिरहेका छन् ।
मंगलबार विहान ६ बजे देखि नै लकडाउन पूर्ण रुपमा लागु हुने भनिएको भए पनि मन्थलीमा विहान १० बजे सम्म पनि मानिसहरु हिडिरहेका छन् । सरकारको निर्णयलाई पालना गर्दै कोरोनाबाट बच्ने उपाय सहित सुरक्षित तरिकाले घरमा बसेका मन्थलीका स्थानीयले समेत सामाजिक संजालमा मानिसहरु हिडिरहेको फोटो पोष्ट गर्दै आक्रोश व्यक्त गरेका छन् ।
जिल्ला प्रहरी कार्यालय रामेछापका प्रहरी प्रमुख प्रहरी नायव उपरीक्षक बसन्त पाठकले सावधानी अपनाउँदै बाहिर ननिस्कन अनुरोध गर्दा गर्दै पनि त्यसरी हिडडुल गर्दा जोखिम बढ्ने भएकाले सरकारको निर्णयलाई पूर्ण रुपमा पालना गर्न सबैलाई अनुरोध गर्नुभएको छ ।
नागरिकहरुकै लागि सरकारले गरेको निर्णयको अब पनि अवज्ञा गरेर बाहिर हिडडुल गरे कानून बमोजिम कारबाही गरिने समेत प्रनाउ पाठकले चेतावनी दिनुभयो ।
महामारीको रुपमा फैलिइरहेको कोरोना भाइरसबाट बच्नको लागि जिल्लाका ८ स्थानीय तहसँग समेत समन्वय गरेर सबैलाई घर भित्र बस्नको लागि विभिन्न सचेतनामूलक सन्देश एवं सूचनाहरु जारी गरिएको पनि उहाँले बताउनुभयो ।
१९ वर्षिया एक महिलामा कोरोना संक्रमण देखिएपछि सरकारले मंगलबार देखि लागु हुने गरी लकडाउनको निर्णय गरेसँगै जिल्ला प्रशासन कार्यालय रामेछपाले पनि चैत्र ११ गते विहान ६ बजे देखि चैत्र १८ गते विहान ६ बजे सम्म लागु हुने गरी निषेधाज्ञा जारी गरेको थियो ।
यो बारेमा तपाईको प्रतिकृया