रामेछाप- नेपाली काग्रेसका नेता एवं समाजसेवी पूर्ण बहादुर तामाङ कान्छारामले यो विपत्तको घटीमा रामेछापबाट काठमाण्डौ सम्म विरामी लैजदा लाग्ने एम्बुलेन्स खर्च बेहोर्ने बताउनुभएको छ । विश्वमा महामारीको रुपमा फैलिइरहेको कोरोना भाइरसको संक्रमण र अन्य जुनसुकै कारण विरामी भई जिल्लामा उपचार हुन नसकेर काठमाण्डौं लैजानु पर्ने भएमा चालककालाई भत्ता सहित एम्बुलेन्स खर्च आफूले बेहोर्ने बताउनुभएको हो ।
नेपाली काग्रेस रामेछापबाट प्रतिनिधिसभाको उम्मेद्वार समेत रहनुभएका तामाङले शेर बहादुर तामाङ स्मृति प्रतिष्ठान रामेछाप मार्फत जिल्लामा वितरण गर्नुभएका एम्बुलेन्सको लागि लाग्ने खर्च बेहोर्ने प्रतिबद्धता व्यक्त गर्नुभएको हो ।
उहाँले भन्नुभयो– ‘यो महामारीको बेला मानिसहरु आत्तिएका हुन्छन, यस्तो बेला एकले अर्कोलाई सहयोग गर्नु पर्छ । कोही विरामी परेर काठमाण्डौ ल्याउनु पर्ने भएमा यो विपत्तीको समय भरी शेर बहादुर तामाङ स्मृति प्रतिष्ठान मार्फत वितरण गरिएका एम्बुलेन्सको खर्च म बेहोर्छु ।’
शेर बहादुर तामाङ स्मृति प्रतिष्ठान मार्फत नेता तामाङले वितरण गर्नुभएका १२ वटा एम्बुलेन्स अहिले जिल्लामा संचालित रहेका छन् ।
अत्यावश्यक परेर एम्बुलेन्स चाहिएमा एम्बुलेन्स चालकको अतिरीक्त समन्वयको तल उल्लेखित मोबाइल नम्बरहरुमा सम्पर्क गर्न सकिने छ ।
काग्रेस नेता– कान्छाराम तामाङः ९८५१०५८६३२, नेपाली काग्रेस जिल्ला सचिवः लेखबहादुर कार्कीः ९८५११७०३४४, रामेछाप सामुदायिक अस्पतालका अध्यक्ष नारायणदाश श्रेष्ठः ९८५१०४९९६९ र पत्रकार टीकाप्रसाद भट्टः ९८५४०४०१०३
यो बारेमा तपाईको प्रतिकृया