रामेछाप ९, फागुन । शुक्रवार देखि मन्थलीमा जारी रहेको तेस्रो राष्ट्रपति रनिङ शिल्ड मन्थली माविले हात पारेको छ ।
मावि मन्थलीले ३१ स्वर्ण, २१ रजत र १७ काश्य सहित प्रथम स्थान ओगटेर उक्त शिल्ड आफ्नो पोल्टामा पारेको हो । त्यसैगरी ५ स्वर्ण, ८ रजत र ९ काश्य सहित कर्कला देवी इङलिस बोर्डिङ स्कुलले दोस्रो स्थान हात पारेको छ भने ५ स्वर्ण, ५ रजत र ४ कास्य सहित सेतीदेवी मावि सालुले तेस्रो स्थान हात पारेको छ ।
विजयी प्रतियोगिहरुलाई जिल्ला समन्वय समितिकी उप प्रमुख दिपा पाख्रीन, मन्थली नगरपालिकाका प्रमुख रमेश कुमार बस्नेत, र मन्थली मावि का ब्यवस्थापन समितिका अध्यक्ष ध्रुब कार्कीले पुरस्कार तथा प्रमाणपत्र तथा शिल्ड मेडल वितरण गर्नु भएको थियो ।
आइतवार सम्पन्न छात्र भलिवलमा सेती देवी मावि सालु र मन्थली मावि मन्थली विच कडा प्रतिस्पर्दा हुँदा सेतीदेवी मावि सालुले जितेको थियो । प्रथम स्थान हासिल गरेपछि मन्थली माविले वाजागाजा सहित विजय रयाली समेत गरेको थियो । प्रतियोगितामा मन्थली नगरपालिका भरका २२ वटा माध्यामिक विद्यालयहरुको सहभागिता रहेको थियो ।
यो बारेमा तपाईको प्रतिकृया