रामेछाप १५ जेठ । लिखु तामाकोशि गाउँपालीका १ को दुरागाउँका लागि स्वास्थ्य सामाग्रि वितरण गरिएको छ । नेपाली कांग्रेस लिखु तामाकोशि गाउँपालिका १ दुरागाउँ काठमाडौं सम्पर्क समितिले कोभिड–१९ को माहामारी गाउँ गाउँमा फैलिरहेको वेला थोरै मात्रमा भए पनि नागरिकलाई राहतको अनुभुति होस भन्नाका लागि उक्त वडामा अक्सीमीटर , ५० लिटर सेनिटाईजर , ८ हजार थान मास्क , सिटामोल, राईनेक्स लगायतका औषधि समेत वितरण गरेको हो ।
समितिले स्थानिय दुरागाउँ स्वास्थ्य चौकिलाई पनि २ थान पीपीईसेट सेनिटाईजर, औषधि, फेससिल्ड र मास्क वितरण गरेको नेपाली कांग्रेस लिखु तामाकोशि गाउँपालीकाका सह–सचिव पबन थापाले जानकारी दिनु भयो । सबै घरहरुमा केहि मात्रामा भएपनि राहत दिन सकियोस भनेर नेपाली कांग्रेस गाउँ ईकाई मार्फत माक्स स्यानेटाईजर पिपीई र फेससिल्ड लगायतको स्वास्थ्य सामाग्रि वितरण गरेको जानकारी पनि थापाले दिनु भयो ।
राज्यले जिल्ला सदरमुकाम र मुख्य बजारहरुमा कोरोना न्युनिकरणका लागि लकडाउन गर्दे आएको भएपनि सरकारको उपस्थीति गाउँमा न्युन मात्रमा भएकोले नेपाली कांग्रेस गाउँ ईकाई दुरागाउँको पहलमा थोरै भएपनि नागरिकहरुलाई राहतको अनुभुति दिलाउने उदेश्यले उक्त सामाग्रि प्रदान गरिएको पनि थापाले जानकारी गराउनु भयो ।
सहयोगि सोच र भावना भएका विभिन्न पेशा व्यवसायमा संलग्न युवाहरुको सहयोगमा प्राप्त उक्त सामाग्री सम्पर्क समितिका सभापति सपन थापाले ईकाई सभापति कमल प्रकाश सुनुवारलाई एक समारोहका विच हस्तारण गर्नु भएको थियो ।
यो बारेमा तपाईको प्रतिकृया