(सौराहा),२८ पुष । नेपाल पुस्तक तथा स्टेशनरी ब्यवसायी महासंघ केन्द्रीय समितिको महाधिबेशन चितवनको सौराहमा चलिरहेको छ ।
संस्थाका अध्यक्ष मनहरी बस्यालको अध्यक्षतामा सम्पन्न उक्त कार्यक्रमको उद्घाटन नेपाली काँग्रेसको सह–महामन्त्री बद्री पाण्डे, नेकपा एकिकृतका युवा नेता ठाकुर गैरे,नेकपा एमालेका उप–महासचिब जगन्नाथ खतिवडा र नेकपा माओवादी केन्द्रका युवा नेता हिमाल शर्माले संयुक्त रुपमा पानसमा बत्ति बालेर गर्नु भएको थियो ।
सो अबसरमा उहाँहरुले पुस्तक तथा स्टेशनरी ब्यवसायी महासंघका साथीहरुलाई भएको समस्यालाई समाधान गर्न आ–आफ्नो ठाँउ बाट पहल गर्ने प्रतिबद्धता ब्यक्त गर्नु भएको थियो ।
सो अबसरमा महासंघका पूर्ब अध्यक्ष धनराज अाचार्य,हरि प्रसाद अर्याल, प्याब्सनका उपाध्यक्ष,जनक शिक्षा सामाग्री केन्द्र भरतपुरका प्रमुख लगाएतले आ–आफ्नो मन्तब्य राख्नु भएको थियो ।
महासंघ केन्द्रीय समितिको आयोजना र जिल्ला शाखा चितवनको आतिथ्यतामा सम्पन्न उक्त कार्यक्रमका असरमा अवसरमा मउत्कृष्ठ कार्य गरेको भन्दै महासंघको लुुम्बीनी प्रदेश, जिल्ला शाखा काभ्रे र डोटि त्यसैगरी मास्के पुस्तक पसल र पंकज पुस्तक पसल लाई पनि सम्मानित गरेको छ ।
कार्यक्रमका असरमा स्थनीय थारु समुदायका बिभिन्न झाकी तथा नृत्यहरु प्रदर्शन गरिएको थियो । महाधिबेशनको बन्द सत्रले महासचिब दिवाकर घिमिरे द्धारा प्रस्तुत महासंघको सांगठनिक प्रतिवेदन पास गर्नुका साथै कोषाध्यक्ष किशोर राज सापकोटा द्वारा प्रस्तुत १६ लाख ६९ हजार १ सय पचास रुपैया बरावरको आम्दानी तथा खर्चको अनुमोदन गर्दै बिधानमा बिद्यमान रहेका केहि बुँदाहरु पनि संसोधन गरेको छ ।
दुई दिन सम्म चल्ने उक्त महाधिबेशनले नयाँ नेतृत्व समेत चयन गर्ने बताइएको छ ।
यो बारेमा तपाईको प्रतिकृया