२३ बैशाख, २०७६
रामेछाप– कोल्गेट इमेज लोक कलाकार सिजन–२ का बिजेता रामकुमार नेपालीलाई गृह जिल्ला रामेछापमा बिजय ¥याली सहित सम्मान गरिएको छ । सोमबार परियार एकता समाज रामेछापको आयोजना तथा जिल्लाका बिभिन्न संघ संस्थाहरुको समन्वयमा स्काउटको मार्चपास र बाजागाजा सहितको बिजय ¥यालीसँगै सम्मान गरिएको हो ।
मन्थलीको देबकोटाचोकबाट सुरु भएको ¥यालीले मन्थली बजार परिक्रमा गरी जिल्ला समन्वय समितिमा पुगेर कोण सभामा परिणत भएको थियो ।
२०४७ सालमा मन्थली– १ मा जन्मिएका नेपाली कोल्गेट इमेज लोक कलाकार सिजन २ मा प्रथम भई अवर्ड जित्न सफल भएको भन्दै मन्थली नगरपालिका, परियार एकता समाज, मन्थली मावि, रामेछाप कला साहित्य प्रतिष्ठान, सुनचाँदी कला ब्यवसायि संघ, पञ्चेबाजा संरक्षण समाज र नेपाल कपडा तथा सिलाई ब्यबसायि संघले छुट्टा छुट्टै प्रशंसा पत्र दिएर सम्मान गरेको थियो ।
कार्यक्रमका अबसरमा बोल्दै बिजेता नेपालीले जिल्लाबासी तथा सबै नेपालीहरूकोे सहयोगका कारण आफूले सफलता हासिल गरेकोले आगामी दिनमा पनि यस्तो सहयोगको अपेक्षा रहेको बताउनुभयो । उहाँले सम्मान कार्यक्रममा आफूले कोल्गेट इमेज लोक कलाकार सिजन–२ को प्रतियोगिताको अन्तिम पटक गाएको गीत समेत गाएर सुनाउनुभएको थियो।
२०६६ सालमा रामेछाप लोक ताराको विजेता भए पछि नेपालीले यस्ता विभिन्न अवार्डहरु प्राप्त गर्दै आउनुभएको छ ।
यो बारेमा तपाईको प्रतिकृया