रामेछाप–रामेछाप जिल्लाको मन्थली नगरपालिका वडा नं–१ मा रहेको मन्थली बजार अनुगमन गर्ने क्रममा अटेर गर्ने ब्यापारीलाई अनुगमन टोलीले अनुगमन स्थलमै जरिवाना गरेको छ ।
बुधबार भएको बजार अनुगमनका क्रममा २ जना ब्यपारीहरुलाई जरिवाना गरिएको थियो भने अनुगमनका क्रममा फेला परेका अखाद्य बस्तु र म्याद नाघेका अन्य सामाग्रीहरु बरामद गरिएको छ ।
यसरी जरिवानामा पर्नेहरुमा अनमिका खाद्य स्टोर्स मन्थली र गणेश टायर सेन्टर मन्थली रहेका छन् ।
अनमिका खाद्य स्टोर्सले म्याद नाघेको सडेगलेको तथा लेवल नखुलेको बिभिन्न खाद्यान्न बिक्रि गरेको पाइएकोले अनुगमन स्थलमै रु २० हजार जरिवाना गरेको र गणेश टायर सेन्टरले अनुगमन टोलीलाई खरिद तथा बिक्रि बिल बिजक माग गरेको बखतमा उपलब्ध नगराएकोले १० हजार जरिवाना गरिएको जिल्ला प्रशासन कार्यालय रामेछापका प्रशासकिय अधिकृत रामप्रसाद भट्टराइले जानकारी दिनुभयो ।
उहाका अनुसार–जिल्ला सदरमुकाम मन्थलीमा रहेका पसलहरु मध्ये १७ वटा खाद्यान्न तथा किराना पसलहरु, एक÷एक वटा डेरी, बेकरी उद्योग र फलफुल तथा तरकारी पसल,२ वटा हार्डवर पसल,४ वटा होटलहरु सहित २६ वटा पसल तथा होटलहरु अनुगमन गरिएको थियो ।
उक्त पसलहरु मध्ये आर डि कोल्ड स्टोर्स, अनमिका स्टोर्स, मन्थली कोसेलीघर,सूर्य कोल्ड स्टोर्स एण्ड सप्लायर्स,कार्की स्टोर्स एण्ड सप्लायर्स,भटौली भोजनालय,लक्ष्मी स्टोर्स एण्ड सप्लायर्स,शुभलक्ष्मी हार्डवयर,एस.आइ स्टोर्स,श्रेष्ठ किराना पसल,तामाकोशी सप्लायर्स,नागदह भोजनालय एण्ड लज,उमाकुण्ड खाद्य स्टोर्स,एस के किराना पसल लगाएतका १४ वटा पसल तथा होटलहरुमा बिक्रिकालागि राखिएको म्याद गुज्रेका अखाद्य बस्तुहरु बरामद गरिएको जिल्ला प्रशासन कार्यालयका प्रशासकिय अधिकृृत भाष्कर दाहालले जनाकारी दिनुभयो ।
मंगलवार जस्तै बुधबार पनि बिहान ७ बजे देखि ९ः३० बजे सम्म छुट्टा छुट्टै अनुगमन टोली बनाएर बजार अनुगमन गरिएको र लकडाउनको मौका छोपी ब्यवसायीबाट हुन सक्ने कालोवाजारी हुन नदिन र अखाद्य बस्तुको बिक्रिबितरणमा रोक लगाउन यसैगरी जिल्लाको अनुगमनलाई निरन्तरता दिइने प्रमुख जिल्ला अधिकारी रुद्रादेवी शर्माले बताउनुभयो ।
यो बारेमा तपाईको प्रतिकृया