२४ जेठ, २०७६
रामेछाप- जिल्लामा विभिन्न व्यवसय गरेर बस्ने व्यवसायीहरुलाई लक्षित गरि जिल्लामै नाप तौलका उपकरणहरूको प्रमाण–पत्र दर्ता तथा नविकरणको शिविर आए पछि जनकपुर जानु पर्ने बाध्यता हटेको छ । गुणस्तर तथा नाप तौल कार्यालय जनकपुरको आयोजना तथा रामेछाप उद्योग बाणिज्य संघको संयोजनमा सदरमुकाम मन्थलीमा आयोजित शिविर मार्फत नाप तौलका उपकरणहरूको प्रमाण–पत्र दर्ता तथा नविकरणको काम भए पछि जिल्लाका व्यवसायिहरूलाई हजारौ खर्च गरेर जनकपुर जानु पर्ने बाध्यता हटेको हो ।
खरिद गरिएका नाप तौलका नयाँ उपकरण ३५ दिन भित्र दर्ता गरिसक्नु पर्ने, सुनचाँदी व्यावसायीहरूले एक वर्ष र अन्य व्यावसायीहरूले दुई वर्ष भित्र नविकरण गरिसक्नु पर्ने हुँदा यी सबै काम गर्न जनकपुर जानु पर्थ्यो । जिल्लामै शिविर मार्फत सबै काम छिन भरमा हुँदा जनकपुर जाँदा लाग्ने दुई दिन समय र आवतजावतमा लाग्ने खर्च बचत भएको मन्थलीका सुनचाँदी व्यवसायी आकाश रिजालले बताउनुभयो । तर नाप तौलका नयाँ उपकरण खरिद गरेको ३५ दिन भित्र दर्ता गरिसक्नु पर्ने बाध्यकारी वव्यबस्थाले व्यवसायीलाई समस्या भएको रिजालको गुनासो छ ।
जेठ २४ र २५ गते दुई दिनको लागि राखिएको शिविरमा शुक्रबार मन्थली बजारका सय भन्दा बढीले सेवा लिएको रामेछाप उद्योग बाणिज्य संघका कार्यकारी अधिकृत नवीन के.सी. ले जानकारी दिनुभयो । उहाँका अनुसार शनिबार खिम्ती, देविटार र रामेछापमा नाप-तौलका उपकरणहरूको प्रमाण–पत्र दर्ता तथा नविकरणको काम हुने छ ।
रामेछाप उद्योग बाणिज्य संघले यस अघि पनि व्यवसायीहरूको सहजतालाई ध्यानमा राखेर गुणस्तर तथा नाप तौल कार्यालय जनकपुरसँग सहकार्य गरेगर विभिन्न समयमा शिविरको आयोजना गर्दै आइरहेको छ ।
यो बारेमा तपाईको प्रतिकृया