रामेछाप,१४ फागुन । नेपाल पुस्तक तथा स्टेसनरी ब्यवसायि महासंघ बागमति प्रदेशले ब्यवसायिक विमाको अभियानलाई तिब्रता दिदै शनिवार नुवाकोट पुगको छ ।
महासंघले ब्यवसायिक सुरक्षको लागि आ आफ्नो पसल, तथा गोदामको बिमालाई अनिवार्य गरे सँगै जिल्लाका ब्यवसायिहरुलाई बिमा सम्बन्धी अभिमुखीकरणका लागि टोली नुवाकोट पुगेको हो ।
नेपाल पुस्तक तथा स्टेसनरी ब्यवसायि महासंघ नुवाकोटका अध्यक्ष रोशन शाहको अध्यक्षता एबं बागमती प्रदेशका अध्यक्ष नारायण कुमार श्रेष्ठको प्रमुख आतिथ्यतामा उक्त कार्यक्रम सम्पन्न भएको हो । सो कार्यक्रममा बोल्दै प्रदेश अध्यक्ष एबं प्रमुख अतिथि श्रेष्ठले सबै ब्यवायिले अनिवार्य रुपमा आ आफ्नो पसल तथा गोदाम को बिमा गर्नुपर्ने जसका कारण भोलि पर्न सक्ने संभाबित संकटलाई यसले क्षतिपूर्ति दिने बताउनुभयो । उहाले अन्य इन्सुरेन्स भन्दा प्रभावकारी, बिश्वसनिय र घट्ना घट्ने बित्तिकै तुरुन्तै भुक्तानि दिने इन्सुरेन्स प्रभु इन्सुरेन्स मात्र भएकोले महासंघले यसै सँग सम्झौता गरेकोले सबै ब्यवसायिहरुले यसैमा बिमा गर्न अनुरोध गर्नुभयो ।
कार्यक्रमका बिशिष्ट अतिथि एबं बागमती प्रदेशका निवर्तमान प्रथम उपाध्यक्ष तुलसी प्रसाद अधिकारीले प्रभु इन्सुरेन्स सँग गरेको सम्झौताका बुँदाहरुका बारेमा जानकारी गराउदै सबै ब्यवसायी हरुले आफनो जोखिम न्युनिकरण गर्न बिमा अनिवार्य गर्नुपर्ने बताउनुभयो ।
कार्यक्रममा नेपाल पुस्तक तथा स्टेसनरी ब्यवसायि महासंघ बागमति प्रदेश सदस्य पञ्च कुमार श्रेष्ठ,मिन कुमार खतिवडा,पूर्व केन्द्रिय सदस्य राजकुमार ढकाल र प्रभु इन्सुरेन्स कि शाखा प्रबन्धक रक्षा खड्का लगाएत रसुवा र नुवाकोट जिल्लाका पुस्तक तथा स्टेशनरी ब्यवसायि सहित ३० जना भन्दा बढिको सहभागिता रहेको थियो । प्रदेश महासंघले यो अभियान बागमति प्रदेशका १० जिल्लामा सम्पन्न गरीसकेको , काठमाण्डौ ,ललितपुर र भक्तपुर जिल्लाहरुमा भने केहि दिन भित्रमानै अभियान लिएर पुग्ने संस्थाका सचिब हरी प्रासद पौडेलले जानकारी दिनुभयो ।
यो बारेमा तपाईको प्रतिकृया